Шчытнае

Шчы́тнае — вёска ў Беларусі. Уваходзіць у склад Пірэвіцкага сельсавету Жлобінскага раёну Гомельскай вобласьці. Насельніцтва 1 чал. (2010). Знаходзіцца за 23 км на паўднёвы ўсход ад места Жлобін, за 15 км ад чыгуначнай станцыі Салтанаўка (лінія Жлобін — Гомель), за 64 км ад Гомелю.

Шчытнае
трансьліт. Ščytnaje
Першыя згадкі:	1923
Краіна:	Беларусь
Вобласьць:	Гомельская
Раён:	Жлобінскі
Сельсавет:	Пірэвіцкі
Насельніцтва:	1 чал. (2010)
Часавы пас:	UTC+3
Тэлефонны код:	+375 2334
Нумарны знак:	3
Геаграфічныя каардынаты:	52°43′47.6″ пн. ш. 30°13′58.8″ у. д.
Шчытнае на мапе Беларусі ± Шчытнае Шчытнае

На поўдні і ўсходзе мяжуе зь лесам.

Гісторыя

Выяўленыя археолягамі паселішчы позьняга мэзаліту (VI—IV-я стагодзьдзі да н. э., за 3 км на захад ад вёскі), паселішча эпохі нэаліту (IV—III-я тысячагодзьдзі да н. э., за 3 км на захад ад вёскі), паселішчы каменнага веку (за 2,7 км на захад ад вёскі) сьведчаць пра засяленьне гэтых месцаў з даўніх часоў.

Сучасная вёска заснаваная ў 1923 годзе, калі ў выніку парадкаваньня земляў вёскі Скепня быў створаны пасёлак. У 1931 годзе жыхары ўступілі ў калгас. У часе Вялікай Айчыннай вайны 2 жыхары загінулі на фронце. Паводле перапісу 1959 году ў складзе саўгасу «Скепнянскі» (цэнтар — вёска Скепня).

Насельніцтва

• XX стагодзьдзе: 1959 — 229 жыхароў (паводле перапісу); 1999 — 20 жыхароў
• XXI стагодзьдзе: 2004 — 9 гаспадарак, 13 жыхароў; 2010 — 1 жыхар

Літаратура

• Гарады і вёскі Беларусі: Энцыклапедыя. Т. 1, кн. 1. Гомельская вобласць / С.В. Марцэлеў; рэдкал.: Г.П. Пашкоў (гал. рэд.) [і інш.]. — Менск: БелЭн, 2004. — 632 с.: іл. ISBN 985-11-0303-9.