Чарнагорскі ўнівэрсытэт

Чарнагорскі ўнівэрсытэт
	Чарнагорскі ўнівэрсытэт
	Univerzitet Crne Gore
Заснаваны	29 красавіка 1974
Колькасьць пэрсаналу	1273 чал.;
Месцазнаходжаньне
Горад	Падгорыца, Чарнагорыя;
Краіна	Чарнагорыя;
Знаходзіцца ў складзе	Зьвяз міжземнаморскіх унівэрсытэтаў[d], Асацыяцыя эўрапейскіх унівэрсытэтаў[d] і Унівэрсытэцкая агенцыя франкафоніі[d]
Вэб-сайт	ucg.ac.me
	Чарнагорскі ўнівэрсытэт у Вікісховішчы

Чарнагорскі ўнівэрсытэт (чарнаг. Univerzitet Crne Gore, па-сэрбску: Универзитет Црне Горе, UCG) — адзіны дзяржаўны ўнівэрсытэт Чарнагорыі. Галоўны кампус і старыя факультэты ўнівэрсытэту знаходзяцца ў Падгорыцы.

Гісторыя

Унівэрсытэт быў заснаваны 29 красавіка 1974 году. На той момант былі арганізаваны:

тры факультэты: эканамічны, горадабудаўнічы і юрыдычны (усе ў Цітаградзе);
два каледжы: пэдагагічны (Нікшыч) і мараходны (Котар);
тры навукова-дасьледчыя інстытуты, асацыяваныя з унівэрсытэтам: гісторыі, аграноміі і біялёгіі, мэдычных дасьледаванняў (усе ў Цітаградзе).

Праз год пасьля заснаваньня ўнівэрсытэту было прысвоена імя Вялька Влахавіча, але ў 1992 годзе вернута ранейшая назва — Унівэрсытэт Чарнагорыі.

Структура

Факультэт юрыспрудэнцыі,Падгорыца

Марскі факультэт, Котар

Унівэрсітэт арганізаваны гэтак жа, як большасьць эўрапейскіх унівэрсытэтаў.

Кіраўнічая Рада пад старшынствам рэктара кіруе ўнівэрсытэтам. Вышэйшы акадэмічны орган — унівэрсытэцкі Сэнат.

Факультэты ўзначальваюць дэканы, інстытуты — дырэктары. На факультэтах і ў інстытутах галоўнымі акадэмічнымі органамі зьяўляюцца рады па навукова-выкладчыцкіх пытаньнях.

Вышэйшы студэнцкі орган — студэнцкі Парлямэнт. Прадстаўнікі студэнтаў выбіраюцца ва ўсе ворганы ўнівэрсытэту і факультэтаў.

На дадзены момант працуюць наступныя факультэты (большасьць знаходзіцца ў Падгорыцы):

Факультэт эканомікі
Факультэт юрыспрудэнцыі
Факультэт электратэхнікі
Факультэт горадабудаўніцтва
Факультэт мэталюргіі і тэхналёгіі
Факультэт мэханікі і тэхнікі
Факультэт прыродазнаўчых навук і матэматыкі
Факультэт мэдыцыны
Факультэт паліталёгіі
Факультэт архітэктуры
Факультэт філязофіі разьмешчаны ў Нікшычы. Сваю гісторыю пачынае з 1947 году, калі быў заснаваны пэдагагічны каледж (Viša pedagoška школа) у Цэціне. У 1963 годзе каледж быў пераведзены ў Нікшыч і перайменаваны ў Пэдагагічную акадэмію (Pedagoška akademija). 29 красавіка 1974 году стаў часткай унівэрсытэту. З 1977 па 1988 год школа называлася настаўніцкім факультэтам (Nastavnički fakultet). З 1988 года факультэт вядомы пад бягучай назвай^[4].
Факультэт прыгожых мастацтваў (Цэціне)
Факультэт драматургіі (Цэціне)
Музычная акадэмія (Цэціне)
Марскі факультэт (Котар)
Факультэт турызму і гатэльнага мэнэджменту (Котар)
Факультэт прыкладной фізіятэрапіі (Хэрцэг-Нові)

Таксама ў склад унівэрсытэту ўваходзяць наступныя навукова-дасьледчыя інстытуты:

Інстытут замежных моў
Інстытут біятэхналёгій
Інстытут гісторыі
Інстытут біялёгіі мора (Котар)

Акрамя таго, ва ўнівэрсытэт уваходзяць:

Унівэрсытэцкая бібліятэка
Цэнтар інфармацыйных тэхналёгій
Цэнтар правоў чалавека
Цэнтар міжнароднага навучаньня
Цэнтар якасьці

Вядомыя выпускнікі і выкладчыкі

Міла Джуканавіч — прэзыдэнт Чарнагорыі з 2018 году, прэм’ер-міністар Чарнагорыі ў 2006, 2008—2010 і 2012—2016 гадах.
Жэлька Штуранавіч — прэм’ер-міністар Чарнагорыі ў 2006—2008 гадах.
Ігар Лукшыч — прэм’ер-міністар Чарнагорыі ў 2010—2012 гадах.
Сьветазар Маравіч — прэзыдэнт Дзяржаўнага Саюза Сэрбіі і Чарнагорыі ў 2003—2006 гадах.
Бранка Павічавіч — гісторык, акадэмік, прэзыдэнт Чарнагорскай акадэміі навук і мастацтваў

Крыніцы

^ Каталёг часопісаў у адкрытым доступе — 2003.
^ https://eua.eu/about/member-directory.html — Асацыяцыя эўрапейскіх унівэрсытэтаў.
^ https://web.archive.org/web/20221123144401/https://www.auf.org/les_membres/nos-membres/
^ Filozofski fakultet - Niksic Праверана 2015-12-26 г. Архіўная копія ад 2012-01-23 г.

Вонкавыя спасылкі

[_c1e6f90df4617285-1] Каталёг часопісаў у адкрытым доступе — 2003.

[_5e708312b6f1e4f1-2] ttps://eua.eu/about/member-directory.html — Асацыяцыя эўрапейскіх унівэрсытэтаў.

[_954b0f7e64a1df03-3] ttps://web.archive.org/web/20221123144401/https://www.auf.org/les_membres/nos-membres/

[4] Filozofski fakultet - Niksic Праверана 2015-12-26 г. Архіўная копія ад 2012-01-23 г.

[1]

[2]

[3]

[4]