Чакавец

	Чакавец
	харв. Čakovec
Герб Чакаўцу	Сьцяг Чакаўцу
Першыя згадкі:	1328
Горад з:	1579
Краіна:	Харватыя
Жупанія:	Меджымурская жупанія
Плошча:	76,9 км²
Вышыня:	156 м н. у. м.
Насельніцтва
колькасьць:	27 122 чал. (2021)
шчыльнасьць:
Часавы пас:	UTC+1
летні час:	UTC+2
Тэлефонны код:	+385 4
Паштовы індэкс:	HR-40 000
Клясыфікатар:	ČK
Нумарны знак:	ČK
Геаграфічныя каардынаты:	46°23′0″ пн. ш. 16°26′0″ у. д. / 46.38333° пн. ш. 16.43333° у. д.Каардынаты: 46°23′0″ пн. ш. 16°26′0″ у. д. / 46.38333° пн. ш. 16.43333° у. д.
	Чакавец на мапе Харватыі Чакавец
	Галерэя здымкаў у Вікісховішчы
	http://www.www.cakovec.hr/

Ча́кавец (па-харвацку: Čakovec) — горад у Харватыі, у паўночнай частцы краіны. Адміністрацыйны цэнтар і найбуйнейшы горад Меджымурскай жупаніі. Насельніцтва — 15 790 чалавек (2001).

Геаграфія і транспарт

Чакавец разьмешчаны ў самым паўночным рэгіёне краіне — міжрэччы рэк Дравы і Муры, вядомым як Меджымур’е. Другі з самых паўночных гарадоў краіны пасьля гораду Мурска Срэдзішчэ.

За 7 кілямэтраў на захад і за 20 кілямэтраў на поўнач ад гораду праходзіць граніца са Славеніяй, за 20 кілямэтраў на ўсход — граніца з Вугоршчынай.

За 12 кілямэетраў на поўдзень ад Чакаўца знаходзіцца горад Вараждзін, за 15 кіляметраў на поўнач — Мурска Срэдзішчэ.

Праз горад праходзіць аўтамабільная шаша, якая вядзе з Вугоршчыны ў Вараждзін і Заграб, а таксама некалькі чыгунак, што вядуць у суседнія гарады Харватыі, Вугоршчыны і Славеніі. У трох кілямэтрах ад горадву знаходзіцца невялікі аэрапорт, здольны прымаць малыя самалёты.

Гісторыя

Сэцэсыйны палац

Замак Зрынскіх

У рымскія часы на месцы сучаснага гораду разьмяшчаўся ўмацаваны лягер Акуама.

Упершыню пад сваёй сучаснай назвай горад згаданы ў 1328 годзе. Назва паходзіць ад прозьвішча вугорскага князя Дзьмітрыя Чакі, які пабудаваў у XIII стагодзьдзі драўляную вежу, што атрымала яго імя, якое потым перайшло на ўвесь горад.

У 1466 годзе ўлада над горадам перайшла да знатнага княжацкага роду Зрынскіх, пасьля чаго Чакавец пачаў бурна разьвівацца. У 1579 годзе Чакавец атрымаў гарадзкія прывілеі.

У 1738 годзе горад быў разбураны землятрусам, а ў 1741 годзе пацярпеў ад вялікага пажару. У 1848 годзе быў далучаны да Харватыі, якая мела аўтаномію ў складзе Аўстра-Вугоршчыны.

Пасьля Першай сусьветнай вайны разам з усёй Харватыяй Чакавец увайшоў у склад Каралеўства сэрбаў, харватаў і славенцаў, а пазьней — у склад Югаславіі. У 1941—1945 гадах быў акупаваны вугорскай арміяй. З 1991 года — у складзе незалежнай Харватыі.

Дэмаграфія

Паводле перапісу 2001 году насельніцтва горада складае 15 790 чалавек, разам з прыгарадамі насельніцтва агламэрацыі — 30 455 чалавек. Пераважная большасьць насельніцтва — харваты (93 %), самай буйной нацыянальнай меншасьцю зьяўляюцца цыгане — 3,6 %.

Эканоміка

Чакавец — разьвіты індустрыяльны горад. Галоўныя галіны прамысловасьці — вытворчасьць тэкстылю, абутку, мэталяапрацоўка, паліграфія, харчовая і хімічная прамысловасьць.

Славутасьці

Царква Сьв. Мікалая

Замак Зрынскіх — добра захаваны замак сям’і Зрынскіх. Цяпер у ім разьмешчаны музэй Меджымур’я.
Сэцэсыйны палац — палац у стылі венскага сэцэсіёну.
Храм Сьв. Мікалая.

Гарады-партнёры

Крыніцы

Вонкавыя спасылкі

Чакавец — сховішча мультымэдыйных матэрыялаў

Афіцыйны сайт гораду