Царква Сьвятой Параскевы Пятніцы (Вялікая Сьвянціца)

Славутасьць
Царква Сьвятой Параскевы Пятніцы
Краіна	Беларусь
Месцазнаходжаньне	Вялікая Сьвянціца
Канфэсія	Беларускі экзархат
Эпархія	Гарадзенская і Ваўкавыская япархія[d]
Архітэктурны стыль	клясыцызм
Царква Сьвятой Параскевы Пятніцы на Вікісховішчы

Царква Сьвятой Параскевы Пятніцы — праваслаўны храм у вёсцы Вялікая Сьвянціца Сьвіслацкага раёну Гарадзенскай вобласьці. Знаходзіцца на паўночнай ускраіне вёскі. Помнік архітэктуры позьняга клясыцызму.

Гісторыя

Пабудавана ў першай палове XIX стагодзьдзя з цэглы і каменю, як касьцёл, які пасьля 1863 году быў пераасьвячоны ў праваслаўную царкву. Абкружана мураванай агароджай.

Архітэктура

Вырашана невялікім прамавугольным аб’ёмам пад двухсхільным дахам. Галоўны фасад завершаны трохкутным франтонам, над якім узвышаецца цыбулепадобны купал на васьмігранным барабане. Уваход вылучаны нізкім дзьвухкалёным ганкам, над якім паўкруглая люкарна. Сьціплае дэкаратыўнае рашэньне фасадаў абмежавана атынкаванымі і пабеленымі вуглавымі лапаткамі, карнізам і ліштвамі прамавугольных аконных праёмаў на шэрым фоне муроў.

Літаратура

• Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі

• Царква Сьвятой Параскевы Пятніцы , Radzima.org
• Царква Сьвятой Параскевы Пятніцы на Глёбусе Беларусі