Царква Сьвятога Мікалая (Палонка)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Сьвятога Мікалая.

Помнік гісторыі
Царква Сьвятога Мікалая
Будаваньне (перабудова?) царквы, 1935 г.
Краіна	Беларусь
Вёска	Палонка
Каардынаты	53°08′50″ пн. ш. 25°42′45″ у. д. / 53.14722° пн. ш. 25.7125° у. д. / 53.14722; 25.7125Каардынаты: 53°08′50″ пн. ш. 25°42′45″ у. д. / 53.14722° пн. ш. 25.7125° у. д. / 53.14722; 25.7125
Канфэсія	Беларускі экзахат
Эпархія	Пінская япархія
Царква Сьвятога Мікалая на мапе Беларусі Царква Сьвятога Мікалая
Царква Сьвятога Мікалая на Вікісховішчы

Царква Сьвятога Мікалая — помнік гісторыі пачатку XX стагодзьдзя (мураўёўка) у Палонцы. Знаходзіцца ў цэнтры колішняга мястэчка пад адрасам вуліца Лясная, 6. Дзее. Твор архітэктуры расейскай эклектыкі.

Гісторыя рэдагаваць

Драўляную царкву Ўрадавага сыноду Расейскай імпэрыі (Маскоўскай царквы) у Палонцы збудавалі ў пачатку XX ст. замест зруйнаванага касьцёла пры кляштары дамініканаў. Пры царкве, якая атрымала тытул Сьвятой Параскевы Пятніцы, заснавалі царкоўна-прыходзкае папячыцельства і царкоўна-прыходзкую школу.

У 1937 гады завяршылася будаваньне царквы, па чым яна атрымала тытул Сьвятога Мікалая.

Архітэктура рэдагаваць

Прыклад эклектычнай царкоўнай архітэктуры Расейскай імпэрыі. Мае сымэтрычна-восевую аб’ёмна-прасторавую кампазыцыю. Да квадратнага ў пляне асноўнага хваёвага зруба далучаюцца: з усходу — 5-гранная апсыда з 2 бакавымі рызьніцамі, з захаду — прытвор з 3-яруснай (васьмярык на двух чацьверыках) званіцай з шатровым верхам над ім. Пакаты 4-схільны дах асноўнага зруба завяршаецца 8-гранным сьветлавым барабанам з гранёным купалам-цыбулінай на невысокім шатры. Падобныя 4 купалы-цыбуліны ўзвышаюцца над кутамі зруба. Фасады падзяляюцца высокімі прастакутнымі аконнымі праёмамі.

Інтэр’ер асьвятляецца высокімі прастакутнымі аконнымі праёмамі ў простых ліштвах і аркавымі вокнамі сьветлавога барабана. Апсыду вылучае драўляны іканастас позьняй працы. У царкве захоўваецца абраз XVIII ст. «Маці Божая Апека»^[1].

Галерэя рэдагаваць

Гістарычныя здымкі і графіка Пятніцкай царквы
1916 г.
1916 г.
Р. Янас, 1916 г.

Крыніцы рэдагаваць

^ Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.

Літаратура рэдагаваць

Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі рэдагаваць

Царква Сьвятога Мікалая ў Палонцы, Radzima.org

[1] Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.

[1]