Царква Сьвятога Антонія (Косаў)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Сьвятога Антонія (неадназначнасьць).

Помнік гісторыі
Царква Сьвятога Антонія
Царква Сьвятога Антонія
Краіна	Беларусь
Места	Косаў
Каардынаты	52°45′28.53″ пн. ш. 25°09′09.66″ у. д. / 52.757925° пн. ш. 25.1526833° у. д. / 52.757925; 25.1526833Каардынаты: 52°45′28.53″ пн. ш. 25°09′09.66″ у. д. / 52.757925° пн. ш. 25.1526833° у. д. / 52.757925; 25.1526833
Канфэсія	Беларускі экзархат і праваслаўе
Эпархія	Пінская япархія
Архітэктурны стыль	псэўдарускі стыль^[d]
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Царква Сьвятога Антонія на мапе Беларусі Царква Сьвятога Антонія
Царква Сьвятога Антонія на Вікісховішчы

Царква Сьвятога Антонія — помнік гісторыі другой паловы XIX стагодзьдзя (мураўёўка) у Косаве. Знаходзіцца ў цэнтры места, на гістарычнай Царкоўнай вуліцы^[a]. Дзее. Твор архітэктуры расейскай эклектыкі. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя

Мураваную царкву Ўрадавага сыноду Расейскай імпэрыі (Маскоўскай царквы) у Косаве збудавалі ў 1868 годзе на месцы пастаўленай у 1597 годзе драўлянай царквы Сьвятога Пасаду.

Архітэктура

Прыклад эклектычнай царкоўнай архітэктуры Расейскай імпэрыі. Мае 4-часткавую падоўжана-восевую кампазыцыю, якая ўлучае 2-ярусную чацьверыковую званіцу, прастакутную ў пляне трапезную, папярочны асноўны аб’ём і апсыду. Званіца завяршаецца гранёным сфэрычным купалам зь ліхтаром і купалам-цыбулінай. Яшчэ адзін купал-цыбуліна на 8-гранным барабане ўзвышаецца над асноўным аб’ёмам. Галоўны ўваход праз аркавы праём афармляецца 2-схільнай навісьсю на 2 калёнках. Фасады праразаюцца аркавымі аконнымі праёмамі, здвоенымі і аб’яднанымі аркавым абрамленьнем у асноўным аб’ёме. У дэкоры фасадаў выкарыстоўваюцца руставаныя ліштвы, зубчастыя фрызы, прастакутныя панэлі.

Унутраная прастора перакрываецца роўнай бэлькавай стольлю. Унутраныя памяшканьні аб’ядноўваюцца прасьветамі і ня маюць архітэктурнага дэкору^[1].