Царква Ўзьвіжаньня Сьвятога Крыжа (Беліца)

Помнік гісторыі
Царква Ўзьвіжаньня Сьвятога Крыжа
Царква Ўзьвіжаньня Сьвятога Крыжа
Краіна	Беларусь
Вёска	Беліца
Каардынаты	53°39′03″ пн. ш. 25°18′41″ у. д.
Канфэсія	Беларускі экзархат
Эпархія	Лідзкая япархія[d]
Архітэктурны стыль	народнае дойлідзтва Беларусі[d]
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Царква Ўзьвіжаньня Сьвятога Крыжа на мапе Беларусі Царква Ўзьвіжаньня Сьвятога Крыжа
Царква Ўзьвіжаньня Сьвятога Крыжа на Вікісховішчы

Царква Ўзьвіжаньня Сьвятога Крыжа — помнік гісторыі другой паловы XIX стагодзьдзя (мураўёўка) у Беліцы. Знаходзіцца ў заходняй частцы колішняга мястэчка, на могілках пад адрасам вуліца Віленская, 1А. Дзее. Твор архітэктуры расейскай эклектыкі. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя

Драўляную царкву Ўрадавага сыноду Расейскай імпэрыі (Маскоўскай царквы) у Беліцы збудавалі ў другой палове XIX ст. (адзначаецца ў 1895 годзе) на месцы царквы Сьвятога Пасаду XVI ст.

Архітэктура

Прыклад эклектычнай царкоўнай архітэктуры Расейскай імпэрыі. Гэта прастакутны ў пляне аб’ём, накрыты 2-схільным дахам, які над 3-граннай апсыдай пераходзіць у вальмавы. Над франтонам галоўнага фасада ўзвышаецца васьмерыковая шатровая вежа-званіца з купалам-цыбулінай у завяршэньні. Яшчэ адзін купал-цыбуліна на гранёным барабане ўзвышаецца над апсыдай. На фоне фігурнай гарызантальна-вэртыкальнай шалёўкі фасадаў вылучаюцца прастакутныя аконныя праёмы ў простых ліштвах. Уваход празь невялікі прытвор пад 2-схільным дахам.

Унутраная прастора перакрываецца ашаляванай роўнай стольлю на падугах. Над уваходам месьцяцца хоры на чатырох слупах, на якія вядуць бакавыя ўсходы.

Літаратура

• Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  413Г000342

• Царква Ўзьвіжаньня Сьвятога Крыжа ў Беліцы, Radzima.org