Хвіча Кварацхелія
Хві́ча Кварацхе́лія (па-грузінску: ხვიჩა კვარაცხელია; нар. 12 лютага 2001 году) — грузінскі футбаліст, ўінгер італьянскага клюбу «Напалі» і нацыянальнай зборнай Грузіі.
| Хвіча Кварацхелія | ||
| ||
| Пэрсанальная інфармацыя | ||
|---|---|---|
| Нарадзіўся | 12 лютага 2001[1] (23 гады) | |
| Рост | 1,83 м | |
| Вага | 70 кг | |
| Пазыцыя | нападнік, паўабаронца | |
| Клюбная інфармацыя | ||
| Клюб | Напалі | |
| Нумар | 77 | |
| Клюбы | ||
| Гады | Клюб | Гульні (галы)¹ |
| 2017—2018 2018—2019 2019 2019—2022 2022 2022— |
Дынама Тбілісі Руставі → Лякаматыў М (арэнда) Рубін Дынама Батумі Напалі |
4 (1) 18 (3) 7 (1) 69 (9) 11 (8) 76 (27) |
| Зборныя | ||
| 2019— | Грузія | 38 (17) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьКлюбная
рэдагаваць
Сваю кар’еру запачаткаваў у 2017 годзе ў складзе тбіліскага «Дынама». Пасьля ў сакавіку 2018 году далучыўся да «Руставі», склаўшы кантракт як вольны агент[2]. 15 лютага 2019 году Кварацхелія на правах арэнды прыяднаўся да расейскага клюбу «Лякаматыў»[3]. Дэбютаваў у расейскай лізе 10 сакавіка, выйшаўшы на замену на 86-й хвіліне замест Джэфэрсана Фарфана ў матчы супраць махачкалінскага «Анжы». 1 ліпеня клюб абвесьціў, што Кварацхелія пакінуў клюб па заканчэньні тэрміну арэнды[4]. Пасьля страты гульца галоўны трэнэр клюбу з сталіцы Расеі Юры Сёмін давёў, што быў вельмі расчараваны тым, што ня здолеў утрымаць грузіна, паколькі трэнэр зважаў яго надзвычай таленавітым футбалістам[5]. Пасьля абараняў колеры расейскага «Рубіну»[6]. Праз уварваньне Расеі ва Ўкраіну замежныя гульцы расейскай Прэм’ер-лігі атрымалі мажлівасьць тэрмінова спыніць дамовы[7]. У выніку нападнік скасаваў дамову з расейцамі і на час вярнуўся на радзіму, дзе далучыўся да батумскага «Дынама».
1 ліпеня 2022 году каманда Сэрыі А «Напалі» пацьвердзіла аб падпісаньні кантракта з футбалістам тэрмінам да 2027 году. Паводле паведамленьня, італьянцам дамову каштавала 10—12 мільёнаў эўра[8]. 15 жніўня гулец дэбютаваў у складзе новага клюбу, зьявіўшыся ў матчы супраць «Вэроны»[9]. Кварацхелія хутка замацаваўся ў складзе і стаў адным з ключавых футбалістаў каманды.
Міжнародная
рэдагавацьДэбютаваў у складзе нацыянальнай зборнай Грузіі 7 чэрвеня 2019 году ў матчы супраць зборнай Гібральтару.
Дасягненьні
рэдагаваць«Лякаматыў»:
- Уладальнік Кубка Расеі: 2019
«Напалі»:
- Чэмпіён Італіі: 2023
Крыніцы
рэдагаваць- ^ а б в Khvicha Kvaratskhelia // Transfermarkt (мн.) — 2000.
- ^ «ბავშვი, რომელიც ყველას ატყუებს — 10 წლის კვარაცხელია ძმის კვალზე». Аджара Спорт.
- ^ «Хвича Кварацхелия — в „Локомотиве“». ФК Лякаматыў.
- ^ «Кварацхелия покинул „Локомотив“». ФК Лякаматыў.
- ^ «Сёмин: из-за ухода Кварацхелии из „Локомотива“ у меня потекли слёзы». Championat.com.
- ^ «Хвича Кварацхелия стал игроком „Рубина“». ФК Рубін.
- ^ «FIFA adopts temporary employment and registration rules to address several issues in relation to war in Ukraine». FIFA.
- ^ «Il Napoli ufficializza l’acquisto di Kvaratskhelia a titolo definitivo». ФК Напалі.
- ^ «Calcio, Serie A — Verona-Napoli 2-5: Kvaratskhelia show all’esordio, gol e assist per il georgiano». Eurosport
Вонкавыя спасылкі
рэдагаваць- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball