Хаславіцкі раён

Хасла́віцкі раён, Хісла́віцкі раён — адміністрацыйна-тэрытарыяльная адзінка на паўднёвым захадзе Смаленскай вобласьці Расеі. Адміністрацыйны цэнтар — мястэчка Хаславічы.

Хаславіцкі раён
Хиславичский район
Герб
Агульныя зьвесткі
Краіна	Расея
Статус	раён
Уваходзіць у	Смаленскую вобласьць
Адміністрацыйны цэнтар	Хаславічы
Дата ўтварэньня	1928
Насельніцтва (2007)	11 242
Плошча	1161,04 км²
Месцазнаходжаньне Хаславіцкага раёну
Мэдыя-зьвесткі
Часавы пас	UTC +3
Тэлефонны код	+7 48140
Код аўтам. нумароў	67
Афіцыйны сайт
Дадатковыя мультымэдыйныя матэрыялы

Геаграфія

Плошча раёну — 1161,04 км².

Тэрытарыяльна раён мяжуе: на паўночным усходзе з Пачынкаўскім, на паўночным захадзе з Манастыршчанскім, на поўдні з Шумяцкім раёнамі Смаленскай вобласьці. На захадзе раён мяжуе зь Беларусьсю.

Раён разьмяшчаецца на Сожаўска-Асьцёрскай нізіне, толькі на паўднёвым захадзе ёсьць адгор’і Рослаўска-Шумяцкага ўзвышша. Буйная рака Сож. Шмат балот.

Глебы ў раёне дзярнова-сільна- і сярэднепадзолістыя на суглінках, супесках і лёсападобных пародах. Лясы займаюць 17,9 % тэрыторыі, галоўным чынам хваёвыя.

Гісторыя

Упершыню ўтвораны ў 1928 годзе. У 1963 годзе быў далучаны да Манастыршчанскага раёну, адноўлены ў цяперашнім выглядзе ў 1965 годзе.

Дэмаграфія

Колькасьць насельніцтва — 11 242 чал., у тым ліку сельскага 6747 чал. (2007).

Адміністрацыйна-тэрытарыяльны падзел

У раёне ёсьць 1 мескае і 11 сельскіх паселішчаў:

Мескае паселішча

• Хаславіцкае мескае паселішча

Сельскія паселішчы

• Гарадзішчанскае сельскае паселішча
• Ёзэфаўскае сельскае паселішча
• Кажуховіцкае сельскае паселішча
• Калесьнікаўскае сельскае паселішча
• Карзоўскае сельскае паселішча
• Мікшынскае сельскае паселішча
• Пячорскае сельскае паселішча
• Соінскае сельскае паселішча
• Уладзімерскае сельскае паселішча
• Упінскае сельскае паселішча
• Чарэпаўскае сельскае паселішча

Транспарт

Аўтамабільная дарога абласнога значэньня Хіцоўка — Хаславічы — Амсьціслаў.

Вонкавыя спасылкі

• Хіславіцкі раён, Radzima.org