Францішак Міцкевіч
- Вікіпэдыя мае артыкулы пра іншых асобаў з прозьвішчам Міцкевіч.
Францішак Міцке́віч (польск. Franciszek Mickiewicz; 1833 — 6 лютага 1873, Кобрынь, Кобрынскі павет, Гарадзенская губэрня — удзельнік паўстаньня 1863—1864 гадоў, пляменьнік Адама Міцкевіча.
| Franciszek Mickiewicz | |
 Магіла Францішка Міцкевіча й ягонных бацькоў | |
 Герб «Порай» | |
| Асабістыя зьвесткі | |
|---|---|
| Нарадзіўся | 1833 |
| Памёр | 6 лютага 1873 Кобрынь |
| Пахаваны | |
| Род | Міцкевічы |
| Бацькі | Аляксандар Міцкевіч Тэрэза Тэраевіч |
| Жонка | Антаніна Касьцюшка (1840-6.10.1906) |
| Дзеці | Адам Міхал Міцкевіч, Марыя Міцкевіч |
| Рэлігія | рыма-каталік |
Нарадзіўся ў сям'і прафэсара Кіеўскага ўнівэрсытэту Аляксандара Міцкевіча, якім быў братам Адама Міцкевіча, і Тэрэзы Тэраевіч. Меў родную сястру Марыю Сьвянціцкую, якая была замужам за знакамітым лекарам Зыгмунтам Сьвянціцкім. У 1859 годзе бацькі вяртаюцца ў Беларусь, дзе набылі ён выкупіў невялікі маёнтак Губэрня пад Кобрынам. Там праз некаторы час Францішак Міцкевіч пазнаёміўся з Рамуальдам Траўгутам, якому ў лютым 1860 году дзед Віталь Шуйскі пакінуў у спадчыну невялікі маёнтак ў Востраве (цяпер Астроўе), што ля Кобрыню[a].
У 1863 г. таемна далучыўся да паўстаньня 1863—1864 гадоў, быў агентам Рамуальда Траўгута. Пасьля паразы паўстаньня пабраўся шлюбам з удавой Рамуальда Траўгута, унучатай пляменьніцай Тадэвуша Касьцюшкі[b] Антанінай Касьцюшка.
Ушанаваньне памяці рэдагаваць
Захаваўся помнік на сямейнай магіле Міцкевічаў, дзе пахаваны Францішак, яго бацька й маці. Помнік уяўляе сабой вэртыкальную кампазыцыю зь фігурай анёла з крыжам, абвітым кляновай галінкай. Статуя была выраблена па праекце Андрэя Прушынскага з Варшавы.
Заўвагі рэдагаваць
- ^ Там Траўгут знаёміцца з Антанінай Касьцюшкоўнай (Antonine Kosciuszkowne), дачкой Аляксандра Касьцюшкі, які быў родным пляменьнікам Тадэвуша Касьцюшкі і каб забясьпечыць двух малых яе дачок, бярэ Антаніну сабе ў жонкі. Шлюб адбыўся 13 чэрвеня 1862 году.
- ^ Бацька Антаніны - Аляксандар быў сынам Юзэфа Тамаша Касьцьшкі, роднага брата Тадэвуша.