Уладзімер Варава
Уладзімер Аляксеевіч Варава (26 ліпеня 1896 — 4 траўня 1929) — беларускі пісьменьнік і журналіст.
| Уладзімер Варава | |
.jpg) | |
| Асабістыя зьвесткі | |
|---|---|
| Імя пры нараджэньні | Уладзімер Аляксеевіч Варава |
| Нарадзіўся | 26 чэрвеня 1896 в. Вялікія Жухавічы, Карэліцкі раён |
| Памёр | 4 траўня 1929 |
| Пахаваны | |
| Літаратурная дзейнасьць | |
| Род дзейнасьці | пісьменьнік, журналіст |
Нарадзіўся ў вёсцы Вялікія Жухавічы Карэліцкага раёну ў сялянскай сям’і. У 1920 годзе працаваў у Жухавіцкім валасным рэўкаме, пасьля — у Народным камісарыяце земляробства БССР. Адначасова вучыўся ў Менскім політэхнікуме. З 1921 году — на радзіме. Удзельнічаў у беларускім нацыянальным руху, друкаваўся ў заходнебеларускай пэрыёдыцы. Арыштоўваўся ўладамі Польшчы. У 1925 годзе рэдагаваў газэту Грамады «Жыцьцё беларуса». Неўзабаве нелегальна перайшоў у БССР. Працаваў намесьнікам рэдактара слуцкай акруговай газэты «Вясковы будаўнік». З 1926 году — у Менскім акруговым зямельным аддзеле. Уваходзіў у аб’яднаньне «Літаратурна-мастацкая камуна», удзельнічаў у выданьні яе часопіса «Росквіт» (1927—1928 гады). Пісаў апавяданьні, артыкулы, фэльетоны.