Тырэнскае мора

Тырэнскае мо́ра (па-італьянску: Mar Tirreno, па-француску: Mer Tyrrhénienne) — частка Міжземнага мора, якая амывае заходняе ўзьбярэжжа Італіі і разьмяшчаецца паміж Апэнінскага паўвострава (рэгіёны Таскана, Лацыё, Кампанія і Калябрыя) і выспамі Сыцылія, Сардынія і Корсыка. У Тырэнскае мора ўліваецца другая па даўжыні рака Італіі Тыбр.

• Плошча: 214 000 км²
• Максымальная глыбіня: 3830 м
• Сярэдняя глыбіня: 1519 м
• Тэмпэратура паверхневага слою вады: улетку 22—24,5 °C, узімку 13—14 °C
• Канцэнтрацыя солі: 37,2 — 38,2 прамілі

Тырэнскае мора
Краіны вадазбору	Італія
Плошча паверхні	275 000 км²
Найб. глыбіня	3785 м і 2000 м
Тырэнскае мора ў Вікісховішчы

Паверхневыя цячэньні ўтвараюць цыклянальны колазварот, іх хуткасць да 1 км/г.

Асноўныя порты: Нэапаль, Палерма, Кальяры (Італія), Бастыя (Францыя).

Этымалёгія

Назва мора паходзіць ад слова tyrrhenoi (tyrsenoi), якім старажытныя грэкі называлі этрускаў, якія мігравалі зь Лідыі (Малая Азія) на Апэнінскі паўвостраў і аселі на ўзьбярэжжы сучаснага рэгіёна Таскана.

Пратокі

Тырэнскае мора злучаецца зь іншымі часткамі Міжземнага мора пратокамі:

• Мэсынская пратока — паміж Сыцыліяй і рэгіёнам Калябрыя (3 км) (злучае Тырэнскае мора з Іянічным)
• Карсыканскі канал — паміж Корсыкай і Італіяй (рэгіён Таскана) (80 км) (злучае Тырэнскае мора з Лігурыйскім)
• Пратока Баніфача — паміж Корсыкай і Сардыніяй (11 км) (злучае Тырэнскае мора з заходняй часткай Міжземнага мора
• Сардынская пратока паміж Сардыніяй і Тунісам (200 км)
• Сыцылійская пратока паміж Сыцыліяй і Тунісам (160 км)