Сяргей Валер’евіч Кавалёў
- Вікіпэдыя мае артыкулы пра іншых асобаў з прозьвішчам Кавалёў.
Сярге́й Вале́р’евіч Кавалёў (нар. 20 чэрвеня 1963, Магілёў) — беларускі крытык, драматург і літаратуразнаўца. Скончыў Філялягічны факультэт Беларускага дзяржаўнага ўнівэрсытэту (БДУ, 1985), дзе пазьней працаваў выкладнікам на катэдры гісторыі беларускай літаратуры. Кандыдат філялягічных навук з 1991 году, доктар філялягічных навук з 2002 году. Прафэсар ўнівэрсытэту імя Марыі Кюры-Складоўскай (Люблін, Польшча).
| Сяргей Кавалёў | |
| Сяргей Валер’евіч Кавалёў | |
| Асабістыя зьвесткі | |
|---|---|
| Нарадзіўся | 20 чэрвеня 1963 (61 год) Магілёў |
| Літаратурная дзейнасьць | |
| Род дзейнасьці | выкладнік |
| Гады творчасьці | З 1988-га |
| Жанр | герменэўтычная драматургія, казка, паэзія |
| Мова | беларуская |
| Дэбют | Падборка вершаў «Шыпшына» (1988) |
| Значныя творы | П’есы «Стомлены д’ябал» (2004), «Францішка, або Навука каханьня» (2005), «Сёстры Псыхеі» (2010) |
| Узнагароды | Узнагарода імя Ежы Гедройца (2001), мэдаль Камісіі нацыянальнай адукацыі Польшчы (2008) |
| Творы на сайце Knihi.com | |
Творчасьць
рэдагавацьЯк пісьменьнік пачынаў свой творчы шлях зь вершаў (падборка «Шыпшына» ў калектыўным зборніку «Лагодны прамень раніцы», 1988) і казак («Мэва», 1988), быў адным з кіраўнікоў таварыства «Тутэйшыя» (1986—1990), з 1989 году сябра Саюзу беларускіх пісьменьнікаў. На пачатку 1990-х гг. зацікавіўся тэатрам, распрацаваў жанр герменэўтычнай драматургіі («Стомлены д’ябал», «Трышчан ды Іжота», «Чатыры гісторыі Саламеі», «Францішка, або Навука каханьня», «Тарас на Парнасе»). Шмат піша для дзіцячага гледача («Хохлік», «Піліпка і Ведзьма», «Шлях да Батлеему», «Пацалунак ночы», «Пясчаны замак»). П’есы ставіліся ў Беларусі, Расеі, Украіне, Польшчы, Славаччыне. Апублікаваныя ў зборніках «Хохлік» (2002), «Стомлены д’ябал» (2004), «Навука каханьня» (2005), «Шлях да Бэтлеему» (2009), «Сёстры Псыхеі» (2010).
Як літаратуразнаўца спачатку займаўся літаратурнай крытыкай, выдаў зборнікі артыкулаў «Як пакахаць ружу» (1989) і «Партрэт шкла» (1991), пазьней зацікавіўся дасьледаваньнем старадаўняга беларускага і іншамоўнага пісьменства Вялікага Княства Літоўскага. Аўтар навуковых манаграфіяў: «Героіка-эпічная паэзія Беларусі і Літвы канца XVI ст.» (1993), «Станаўленьне польскамоўнай паэзіі ў полілінгвістычнай літаратуры Беларусі эпохі Рэнэсансу» (2002), «Літаратура Беларусі позьняга Рэнэсансу: жанры, творы, асобы» (2005), «Шматмоўная паэзія Вялікага Княства Літоўскага эпохі Рэнесансу» (Мн., 2010), падручніка «Гісторыя беларускай літаратуры: другая палова XVI ст.» (2005), адзін з суаўтараў акадэмічнай «Гісторыі беларускай літаратуры ХІ—ХІХ стагодзьдзяў» (т. 1, 2006).
Падрыхтаваў да выданьня зборнік Францішкі Ўршулі Радзівіл «Творы» (2003) і анталёгію «Вар’ят і манашка. Польская драматургія ХХ стагоддзя» (2006). За сваю дзейнасьць быў адзначаны ў 2001 г. ўзнагародай імя Ежы Гедройца Польскага інстытуту ў Менску, а ў 2008 г. мэдалём Камісіі нацыянальнай адукацыі Польшчы.
У 2009 г. у Менску выйшаў зборнік артыкулаў пра драматургічную творчасьць Сяргея Кавалёва «Паміж Беларусьсю і Польшчай: драматургія Сяргея Кавалёва»[1].
Бібліяграфія
рэдагаваць- Сяргей Кавалёў Мэва. — Менск: Юнацтва, 1988. — 76 с. — ISBN 5-7880-0057-2
- Сяргей Кавалёў Як пакахаць ружу / Леанід Дранько-Майсюк. — Менск: Маладосьць, 1989. — 78 с.
- Сяргей Кавалёў Партрэт шкла / Леанід Дранько-Майсюк. — Менск: Мастацкая літаратура, 1991. — 189 с. — 1000 ас. — ISBN 5-340-00489-9
- Сяргей Кавалёў Героіка-эпічная паэзія Беларусі і Літвы канца XVI ст.. — Менск: Унівэрсытэцкае, 1993. — 102 с.
- Сяргей Кавалёў Станаўленьне польскамоўнай паэзіі ў полілінгвістычнай літаратуры Беларусі эпохі Рэнэсансу. — Менск: БДУ, 2002. — 218 с. — ISBN 5-7880-0057-2
- Сяргей Кавалёў Стомлены д’ябал / Ільля Сін. — Менск: Логвінаў, 2004. — 216 с. — (Другі фронт мастацтваў). — 400 ас. — ISBN 985-6701-43-0
- Сяргей Кавалёў Навука каханьня / Зьміцер Вішнёў. — Менск: Логвінаў, 2004. — 204 с. — (Другі фронт мастацтваў). — 300 ас. — ISBN 985-6701-46-5
- Сяргей Кавалёў Гісторыя беларускай літаратуры: другая палова XVI ст.. — Менск: БДУ, 2005. — 110 с. — ISBN 985-485-410-8
- Сяргей Кавалёў Літаратура Беларусі позьняга Рэнэсансу / Мікола Хаўстовіч. — Менск: Эканоміка і права, 2005. — 174 с.
- Сяргей Кавалёў Шлях да Бэтлеему. — Менск: Мастацкая літаратура, 2009. — 231 с. — (Школьная бібліятэка). — ISBN 978-985-02-1111-8
- Сяргей Кавалёў Шматмоўная паэзія Вялікага Княства Літоўскага эпохі Рэнэсансу / Генадзь Вінярскі. — Менск: Кнігазбор, 2010. — 376 с. — 400 ас. — ISBN 978-985-6976-10-3
- Сяргей Кавалёў Сёстры псыхеі / Юрась Пацюпа. — Менск: Логвінаў, 2011. — 220 с. — 300 ас. — ISBN 978-985-6991-13-7
Крыніцы
рэдагаваць- ^ Сяргей Кавалёў. Kamunikat.org. Праверана 8 лістапада 2012 г.
Літаратура
рэдагаваць- Памяць: Гіст.-дакум. хроніка Мінска. У 4 кн. Кн. 1-я. — Мн.: БЕЛТА, 2001. — 576 с.: іл. ISBN 985-6302-33-1.
- Лапіцкая А. У смарагдавым палацы [агляд творчасьці пісьменьніка, драматурга, літаратуразнаўца С.В. Кавалёва] // ЛіМ : газэта. — 2013. — № 24. — С. 5.
Вонкавыя спасылкі
рэдагаваць- Сяргей Макарэвіч (5 красавіка 2010) Гісторыя — згубны шлях для беларускай драматургіі Тэатар. Наша Ніва. — Інтэрвію з Сяргеем Кавалёвым. Праверана 8 лістапада 2012 г.
- Старонка на бачыне Саюзу беларускіх пісьменьнікаў