Станіслаў Панятоўскі (сын Казімера)
Станіслаў Панятоўскі (23 лістапада 1754, Варшава — 13 лютага 1833, Флярэнцыя) — дзяржаўны дзяяч Вялікага Княства Літоўскага, Рэчы Паспалітай. Падскарбі вялікі літоўскі (1784—1791), генэрал-лейтэнтант, шэф пешай коннай гвардыі.
.jpg) Станіслаў Панятоўскі. А. Каўфман, 1788 | |
 Герб «Цяля» | |
| Асабістыя зьвесткі | |
|---|---|
| Нарадзіўся | 23 лістапада 1754 |
| Памёр | 13 лютага 1833 |
| Род | Панятоўскія |
| Бацькі | Казімер Панятоўскі Апалёнія з Устшыцкіх |
| Жонка | Касандра Лючы |
| Дзеці | Юзэф Міхал, Караль |
| Дзейнасьць | палітык, земляўласьнік, дыплямат, мэцэнат, калекцыянэр, бібліяфіл |
Трымаў Падольскае, Багуслаўскае і Канеўскае староствы.
Біяграфія
рэдагавацьПрадстаўнік шляхецкага роду Панятоўскіх гербу «Цяля», сын Казімера і Апалёніі з Устшыцкіх.
Выхоўваўся ў пансіёне італьянскіх манахаў-тэатынаў. У 1771 наведаў Лёндан, у 1772 навучаўся ў Кембрыдзкім унівэрсытэце.
Уваходзіў у склад Адукацыйнай камісіі, праводзіў перамовы з расейскай імпэрытрыцай Кацярынай II. Пазьней пасяліўся ва Ўкраіне, дзе збудаваў шэраг прадпрыемстваў і правёў зямельную рэформу.
Быў пасьлядоўным прыхільнікам пераходу да спадчыннай манархіі ў Рэчы Паспалітай. Па прыняцьці Канстытуцыі 3 траўня (1791) выехаў у Аўстрыю, потым Італію.
Ад зьвязку з Касандрай Лючы меў узаконеных сыноў, якія атрымаіл тытул князёў дзі Монтэ Ратонда (1847), а ў Аўстрыі тытул князёў Панятоўскх (1850). Нашчадкі аселі ў Францыі і ўвайшлі ў склад францускай арыстакратыі[3].
Крыніцы
рэдагаваць- ^ http://tnk.krakow.pl/czlonkowie/poniatowski-stanislaw/
- ^ Senatorowie i dygnitarze Wielkiego Księstwa Litewskiego 1386—1795 (пол.) / пад рэд. J. Wolff — Kraków: 1885. — С. 189.
- ^ Анатоль Грыцкевіч. Панятоўскія // ВКЛ. Энцыкл. — Мн.: 2005 Т. 2. С. 397.
Літаратура
рэдагаваць- Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0