Сэвільля (футбольны клюб)

	Сэвільля
Поўная назва	Sevilla Fútbol Club S.A.D.
Заснаваны	25 кастрычніка 1890
Горад	Сэвільля, Гішпанія
Стадыён	Рамон Санчэс Пісхуан; Умяшчальнасьць: 42 714
Кіраўнік	777 Partners[d]
Галоўны трэнэр	Кіке Санчэс Флёрэс[d];
Чэмпіянат	Ля Ліга
· 2022—2023	12 месца
	Галерэя здымкаў у Вікісховішчы; sevillafc.es (гішп.) (анг.) (фр.) (яп.) (кіт.) (ар.)

«Сэвільля» (па-гішпанску: Sevilla Fútbol Club S.A.D.) ― гішпанскі футбольны клюб, што гуляе ў найвышэйшай гішпанскай лізе — Ля Лізе. Клюб быў заснаваны 14 кастрычніка 1905 году, гэта найстарэйшы клюб з Сэвільлі й другі па ўсёй Андалюзіі. Першую афіцыйную гульню каманда правяла толькі праз тры гады ― у 1908, супраць «Рэкрэатыва» з Уэльвы. У 1924 годзе клюб заваяваў свой першы трафэй ― Кубак Сэвільлі. 1935 год стаў пераможным у Кубку Гішпаніі, як і 1939 адразу пасьля грамадзянскай вайны. Да таго часу як стаў праводзіцца чэмпіянат Гішпаніі Сэвільля 17 разоў станавілася чэмпіёнам Андалюзіі й двойчы Сэвільлі.

Клюб знаходзіцца ва ўласнасьці аматараў (разьмеркавана па акцыях). Пры клюбе працуе футбольная акадэмія, сярод ейных выпускнікоў ёсьць спартовыя псыхолягі. Таксама шмат увагі робіцца на спартовае харчаваньне й мэдыцыну. Пры клюбе працуе мясцовая радыёстанцыя «Sevilla FC Radio», гэта першае футбольнае радыё ў Гішпаніі, таксама ёсьць тэлевізійны канал SFC TV.

Гісторыя рэдагаваць

Футбольны клюб «Сэвільля» зьяўляецца гістарычна самай лепшай камандай у Сэвільлі. Ён быў утвораны ў 1905 годзе. Аднойчы станавіўся чэмпіёнам Гішапніі й пяць разоў уладальнікам Кубка Гішпаніі.

Каманда апранае белую вопратку для хатніх гульняў і чырвоную для выязных. Заўзятары называюць каманду «Sevillistas». У сваіх шэрагах каманда мела такіх гульцоў, як: Дыега Марадона, Рынат Дасаеў, Дыега Сымэонэ, Робэрт Прасінэчкі, Бэбэта, Тоні Польстэр, Давар Шукер, Іван Самарана. Сярод знакамітых выхаванцаў клюбу варта вылучыць Хасэ Антоніё Рэеса й Сэрхіё Рамаса, апошні зь якіх цяпер выступае за мадрыдзкі «Рэал».

Гістарычным супернікам клюбу зьяўлялася каманда, якая таксама разьмяшчаецца ў горадзе — «Рэал Бэтыс». Клюб мае з 1958 году рэзэрвовую каманду — «Сэвільля Атлетыка».

Дасягненьні рэдагаваць

Чэмпіёны Гішпаніі:
- 1946
Уладальнікі Кубка Гішпаніі (5):
- 1935, 1939, 1948, 2007, 2010
Уладальнікі Супэркубка Гішпаніі:
- 2007
Уладальнікі Кубка УЭФА/Лігі Эўропы (7):
- 2006, 2007, 2014, 2015, 2016, 2020, 2023
Уладальнікі Супэркубка УЭФА:
- 2006

Склад рэдагаваць

Актуальны на 11 лютага 2024 году

№	Пазыцыя	Імя	Год нараджэньня
1	Бр	Марка Дмітравіч	1992
2	Аб	Кіке Саляс	2002
3	Аб	Адрыя Пэдроса	1998
4	Аб	Сэрхіё Рамас	1986
5	Нап	Люкас Акампас	1994
6	Аб	Неманья Гудэль	1991
7	Нап	Суса	1993
8	ПА	Жаан Жардан	1994
9	Нап	Рафаэль Мір	1997
10	Нап	Алеха Вэліс (ар. Тотэнгэм)	2003
11	Нап	Дадзі Люкебакіё	1997
12	Нап	Марыяна Дыяс	1993
13	Бр	Ёр’ян Нюлянд	1990
14	Аб	Тангі Куасі	2002

№	Пазыцыя	Імя	Год нараджэньня
15	Нап	Юсэф Эн-Нэсыры	1997
16	Аб	Хэсус Навас (капітан)	1985
17	Нап	Эрык Лямэля	1992
18	ПА	Джыбрыль Соў	1997
19	Аб	Маркас Акуньня	1991
20	Нап	Ісаак Рамэра	2000
21	ПА	Олівэр Торэс	1994
22	Аб	Ляік Бадэ	2000
23	Аб	Маркан	1996
24	ПА	Бубакары Сумарэ (ар. Лэстэр)	1999
25	Нап	Аднан Янузай	1995
26	Аб	Хуанлю Санчэс	2003
42	ПА	Люсьен Агумэ (ар. Інтэр)	2002
46	ПА	Ганібал Мэджбры (ар. Ман. Юн.)	2003

Вонкавыя спасылкі рэдагаваць

Афіцыйны сайт (гішп.) (анг.) (яп.)