Скот Паркер

Скот Мэт’ю Паркер (па-ангельску: Scott Matthew Parker; нарадзіўся 13 кастрычніка 1980 году, Ламбэт, Ангельшчына) — ангельскі футбаліст, цэнтральны паўабаронца. За нацыянальную зборную Ангельшчыны правёў 18 гульнаў. На сёньня зьяўляецца галоўным трэнэрам клюбу «Фулгэм».

Скот Паркер
Пэрсанальная інфармацыя
Нарадзіўся	13 кастрычніка 1980 (44 гады) Ламбэт, Ангельшчына
Рост	175 см
Вага	69 кг
Пазыцыя	паўабаронца
Клюбы
Гады	Клюб	Гульні (галы)¹
1997—2004 2000—2001 2004—2005 2005—2007 2007—2011 2011—2013 2013—2017	Чарлтан Атлетык → Норыдж Сіці Чэлсі Лёндан Ньюкасл Юнайтэд Ўэст Гэм Юнайтэд Тотэнгэм Готспур Фулгэм	128 (9) 6 (1) 15 (1) 55 (4) 113 (10) 50 (0) 119 (6)
Зборныя
2003—2013	Ангельшчына	18 (0)
Трэнэрскія клюбы
2024—4	Бэрнлі

Біяграфія

Нарадзіўся ў прадмесьці Лёндану ў Ламбэт. Займаўся ў футбольнай акадэміі «Чарлтан Атлетык», у ліпені 2004 году перайшоў у «Чэлсі», пасьля сэзону ў складзе «арыстакратаў» сышоў у «Ньюкасл Юнайтэд», быў гульцом таксама «Ўэст Гэм Юнайтэд» і «Тотэнгэм Готспур».

Кар’ера

Клюбная

За «Чарлтан Атлетык» згуляў 128 матчаў і забіў 9 мячоў, пасьля чаго ў 2004 годзе перайшоў у «Чэлсі», падпісаўшы дамову на 4,5 году. Сума трансфэру склала 12 млн фунтаў. Паркер быў першапачаткова падпісаны, як зьменшчык для Клёда Макелеле й Фрэнка Лэмпарда, што давала яму ня надта шмат шанцаў зьявіцца на полі. Ён забіў свой адзіны гол за «Чэлсі» ў матчы супраць клюбу «Портсмут».

У ліпені 2005 году Паркер быў прададзены ў «Ньюкасл Юнайтэд» за суму роўную 6,5 млн фунтаў. Паркер стаў рэгулярным гульцом першай каманды й быў адным зь нямногіх, хто здолеў паказаць стабільную гульню на працягу ўсяго сэзону, які «Ньюкасл» скончыў на сёмым месцы. Ён забіў свой першы гол за «сарокаў» у гульні супраць свайго былога клюбу «Чарлтану», у якой яго каманда прайграла зь лікам 3:1. У сакавіку 2006 году з-за монануклеёзу сэзон для гульца быў скончаны, з-за чаго ён ня здолеў пазмагацца за месца ў зборнай перад чэмпіянатам сьвету 2006 году. У ліпені 2006 году Паркер стаў капітанам клюбу.

У чэрвені 2007 году «Ўэст Гэм Юнайтэд» набыў Скота Паркера за 7 млн фунтаў стэрлінгаў. Гэты пэрыяд стаў для гульца настолькі ўдалым, што з 2008 па 2011 гады Скота тройчы разоў прызнавалі найлепшым гульцом клюбу. Дзякуючы выдатнай гульні ў складзе «малатабойцаў» 31 жніўня 2011 году «Тотэнгэм» набыў гульца за 5,5 млн фунтаў стэрлінгаў.

19 жніўня 2013 году Паркер падпісаў трохгадовы кантракт з «Фулгэмам».

Міжнародная

Міжнародны дэбют Паркера за нацыянальную зборную Ангельшчыны адбыўся 16 лістапада 2003 году, калі ён зьмяніў на полі на 66-й хвіліне Ўэйна Руні.

Дасягненьні

Чэлсі:

• Чэмпіён Ангельшчыны: 2005

Вонкавыя спасылкі

Скот Паркер — сховішча мультымэдыйных матэрыялаў

• Профіль на афіцыйным сайце «Ўэст Гэм Юнайтэд»