Расмус Андрэсэн
Расмус Андрэсэн (па-нямецку: Rasmus Andresen, нар. 20 лютага 1986, Эсэн, Паўночны Райн — Вэстфалія, Заходняя Нямеччына) — нямецкі палітык партыі Саюз 90/Зялёныя, дэпутат Эўрапейскага парлямэнту IX скліканьня[1].
Расмус Андрэсэн | |
 | |
| Дата нараджэньня | 20 лютага 1986 (38 гадоў) |
|---|---|
| Месца нараджэньня |
|
| Месца вучобы | |
| Занятак | палітык |
Біяграфія рэдагаваць
Андрэсэн правёў дзяцінства з большага ў Флэнсбургу(be) й належыць да дацкае меншасьці Паўднёвага Шлезьвігу(sv)[2]. Скончыў школу ў Флэнсбургу(be), у 2009 годзе атрымаў ступень бакаляўра ў галіне адміністрацыі й камунікатыўных навук ва Ўнівэрсытэце Раскіле(uk) ў Даніі. Падчас вучобы з 2008 году працаваў у Фолькетынгу[3]. Вучыцца на магістра паводле спэцыяльнасьці «Кіраваньне» ў Хагенскім завочным унівэрсытэце(uk).
Палітычная кар’ера рэдагаваць
Пачаў займацца палітычнаю дзейнасьцю ў падлеткавым узросьце, уступіўшы ў Саюз 90/Зялёныя (Нямеччына) і Сацыялістычную народную партыю(uk) (Данія)[4]. Да 2014 году займаў розныя пасады ў моладзевых групах абедзьвюх партыяў, быў, між іншым, старшынёю «Grüne Jugend(de)» на зямельным узроўні. У 2012 годзе стаў сябрам зямельнае рады партыі Саюз 90/Зялёныя, у 2013 годзе ўпершыню ўвайшоў у гарадзкую раду Флэнсбурга(be)[3].
З 2009 па 2019 год Андрэсэн быў сябрам Ландтага Шлезьвіга-Гальштайна(uk) ад Флэнсбурга(be). На момант першага абраньня ён быў самым маладым дэпутатам зямельнага парлямэнту (23 году). З 2017 па 2019 год займаў пасаду віцэ-прэзыдэнта Ландтага Шлезьвіга-Гальштайна(uk)[5].
Па выніках выбараў у Эўрапейскі парлямэнт 2019 году(uk) стаў дэпутатам Эўрапейскага парлямэнту. З таго часу працуе ў Камітэце па бюджэце. Таксама зьяўляецца каардынатарам парлямэнцкае групы партыі Саюз 90/Зялёныя ў камітэце[6].
У дадатак да даручэньняў камітэта Андрэсэн уваходзіць у дэлегацыю парлямэнту па сувязях з Канадаю[7]. Таксама зьяўляецца чальцом Эўрапэйскага інтэрнэт-форуму[8], міжгрупы Эўрапейскага парлямэнту па правах ЛГБТ(ca)[9] й міжгрупы Эўрапейскага парлямэнту па морах, рэках, астравах і прыбярэжных зонах[10].
Іншыя віды дзейнасьці рэдагаваць
- Чалец-заснавальнік Інстытута мадэрнізму салідарнасьці(de) з 2010 году[11]
Палітычныя пазыцыі рэдагаваць
16 сакавіка 2021 году ўзяў шэфства над Ігарам Банцэрам, франтмэнам гурта «Mister X(pl)» і беларускім палітвязьнем[12].
У траўні 2021 году Андрэсэн далучыўся да групы з 39 заканадаўцаў, пераважна з партыі Саюз 90/Зялёныя з Эўрапарлямэнту, якая ў лісьце заклікалі лідэраў Нямеччыны, Францыі і Італіі не падтрымліваць расейскі арктычны праект здабычы звадкаванага прыроднага газу[прыбраць шаблён] «Арктык ЗПГ-2(ru)» коштам 21 мільярда даляраў ЗША ў сувязі з праблемамі для клімату[13].
Крыніцы рэдагаваць
- ^ Alle Gewählte in alphabetischer Reihenfolge (ням.). Der Bundeswahlleiter(de).
- ^ 2019 electoral campaign presentation, The Greens (in German)
- ^ а б Andresen, Rasmus (ням.). lvn.parlanet.de. Архіўная копія ад 27-12-2018 г.
- ^ Rasmus Andresen (ням.). sh-gruene-fraktion.de. Архіўная копія ад 2016-08-27 г.
- ^ Andresen legt Mandat nieder Ландтаг Шлезьвіга-Гальштайна(uk), press release of 1 July 2019.
- ^ Koert Debeuf (22 November 2019), The EU debate on its own resources EUobserver(uk).
- ^ Rasmus Andresen Эўрапейскі парлямэнт.
- ^ Members European Internet Forum.
- ^ Members Міжгрупа Эўрапейскага парлямэнту па правах ЛГБТ(ca).
- ^ Members 2019-2024 European Parliament Intergroup on Seas, Rivers, Islands and Coastal Areas.
- ^ Gründungsmitglieder Інстытут мадэрнізму салідарнасьці(de)
- ^ Presseerklärung zu dem Musiker und politischen Gefangenen Igor Bancer/Ihar Bantsar (ням.). Audiolith(de) (2021-03-16). Архіўная копія ад 2021-03-16 г.
- ^ Kate Abnett and Simon Jessop (May 19, 2021), EU lawmakers urge France, Germany, Italy to ditch Arctic LNG 2 support Reuters.