Рагне́д Малахо́ўскі (нар. 5 верасьня 1984, пас. Сяймчан, Магаданская вобласьць, РСФСР) — беларускі паэт.

Рагнед Малахоўскі
Асабістыя зьвесткі
Нарадзіўся 5 верасьня 1984(1984-09-05) (39 гадоў)
Літаратурная дзейнасьць
Род дзейнасьці паэт, маляр

Біяграфія рэдагаваць

Нарадзіўся 5 верасьня 1984 году ў пасёлку Сяймчан Магаданскай вобласьці РСФСР ў сям’і мастака. Паводле нацыянальнасьці — беларус. У 1987 годзе разам з бацькамі і старэйшым братам вярнуўся ў Беларусь у Нарачанскі край (Менская вобласьць). У 2009 годзе скончыў факультэт фінансаў і банкаўскай справы Беларускага дзяржаўнага эканамічнага ўнівэрсытэту.

Працаваў грузчыкам, прадаўцом-кансультантам, выхавацелем у інтэрнаце, ахоўнікам гандлёвага цэнтру, фасадчыкам на будоўлі. Быў рэдактарам аддзелу публіцыстыкі, крытыкі і літаратуразнаўства рэдакцыі часопіса «Полымя». У 2011 годзе зьяўляўся намесьнікам галоўнага рэдактара, выканаўцам абавязкаў галоўнага рэдактара часопіса «Бярозка». У 2012 годзе — адказны сакратар часопіса «Маладосьць». У 2013 годзе — рэдактар аддзелу рэдакцыі часопіса «Вожык», адказны сакратар часопісу «Белая вежа», галоўны спэцыяліст Менскага абласнога аддзяленьня ГА «Саюз пісьменьнікаў Беларусі». З 2014 году — рэдактар аддзелу публіцыстыкі рэдакцыі часопісу «Полымя».

Творчасьць рэдагаваць

З 2003 году рэгулярна выступае зь літаратурнымі творамі ў рэспубліканскай перыёдыцы (часопісы «Полымя», «Дзеяслоў», «Маладосьць», газэты «Літаратура і мастацтва», «Советская Белоруссия» і іншыя), калектыўных зборніках і анталёгіях. Вершы перакладаліся на расейскую і баўгарскую мовы. Аўтар паэтычных зборнікаў «Беражніца» (2005), «У дзённай мітусьні» (2012), «Жыві!» (2014).

3 2006 году займаецца фотамастацтвам. Праводзіліся фотавыставы ў Менску[1] і Лодзі (Польшча), фотапрацы публікаваліся ў пэрыядычных выданьнях.

З 2006 году піша электронную музыку (гучала ў этэры некаторых FM-радыёстанцыяў).

Сябра Саюзу беларускіх пісьменьнікаў з 2006 году, з 2009 году — сябра Саюзу пісьменьнікаў Беларусі, сябра Беларускага саюзу журналістаў з 2014 году.

Узнагароды рэдагаваць

  • дыплём Саюзу пісьменьнікаў Беларусі «за вялікі ўнёсак у развіцьцё культуры і літаратуры Беларусі» (2007),
  • ляўрэат Менскай абласной прэміі ў галіне літаратуры ў намінацыі «Паэзія» за кнігу «У дзённай мітусьні» (2012).

Крыніцы рэдагаваць

Вонкавыя спасылкі рэдагаваць