Пружанскі малочны камбінат

Пружанскі малочны камбінат
Тып	Адкрытае акцыянэрнае таварыства
Заснаваная	1939
Краіна	Беларусь;
Разьмяшчэньне	225133 Берасьцейская вобласьць, Пружаны, вул. Горына-Каляды, 26
Ключавыя фігуры	дырэктар Уладзімер Мікіціч
Галіна	харчовая прамысловасьць
Прадукцыя	малочная прадукцыя
	prjmilk.by

ААТ «Пружа́нскі мало́чны камбіна́т» — харчовае прадпрыемства ў горадзе Пружаны Берасьцейскай вобласьці.

Прадукцыя

Аснову вытворчасьці складаюць паўцьвёрдыя сычужныя сыры. Пасьля стварэньня сумеснага беларуска-расейскага прадпрыемства «Юнімілк Пружаны» спыненая вытворчасьць натуральнага малака, вырабляецца толькі сухое^[1]. Выпускаецца некалькі відаў масла^[2].

Прадукцыя пастаўляецца па ўсёй Беларусі, да 65% экспартуецца ў Расею і Казахстан.

Прадукцыя выпускаецца па-расейску пад брэндам «Щедрая масленица» (бел. Шчодрая масьленіца).

Мінуўшчына

Створаны ў 1939 року як падразьдзяленьне Раймаслапраму. Пасьля савецка-нямецкай вайны працаваў на патрэбы Чырвонай Арміі, выпускаючы сыр, масла, казэін і марозіва^[3].

Па скасаваньні ў 1951 року Раймаслапраму завод стаў самастойным. У 1954 пачалося будаўніцтва новага масласырзаводу. Зьявілася кантора і вытворчы корпус, які складаўся з прыёмнага, апаратнага, масларобчага цэхаў, а таксама кацельня і кампрэсарная. У 1965—1967 збудаваны сыраробны цэх, праведзеная агульная рэканструкцыя^[3].

У 1986 року збудаваны ўчастак па вытворчасьці сухога абястлушчанага малака^[4]. У 1992 пачалося будаўніцтва цэху па вытворчасьці сьпірту з сыроваткі. Завод стаў першым прадпрыемствам у Беларусі, які засвоіў тэхналёгію вытворчасьці сьпірту з адкідаў малочнай вытворчасьці^[5].

30 сьнежня 1995 Пружанскі масласырзавод пераўтвораны ў Адкрытае акцыянэрнае таварыства, а ў 1998 перайменаваны ў ААТ «Пружанскі малочны камбінат».

У 2003 скончанае будаўніцтва цэху цэльнамалочнай прадукцыі^[4]. У 2007 року быў абноўлены цэх вытворчасьці сухіх малочных прадуктаў, у 2009 — абсталяваньне для сыраробнай вытворчасьці. Зьявілася аўстрыйскае і нямецкае абсталяваньне. Цяпер вытворчая лінія цалкам аўтаматызаваная: ад прыёмкі малака да пакаваньня гатовае прадукцыі. Замест старое аміячнае была запушчаная новая фрэёнавая кампрэсарная^[6].

У 2009 року частка вытворчасьці была прададзеная расейскай кампаніі Юнімілк. На гэтай базе было створанае СТАА «Юнімілк Пружаны», якое перапрацоўвае значную частку малака з гаспадарак раёну. Як вынік, на малочным камбінаце зьменшыўся аб’ём вытворчасьці, экспарт і прыбытак. У кастрычніку 2010 року Пружанскі райвыканкам прыняў рашэньне пра кансалідацыю актываў камбінату і СП «Юнімілк-Пружаны». 25 студзеня 2011 року за нязгоду з гэтым рашэньнем быў звольнены дырэктар малочнага камбінату Ўладзімер Мікіціч, які кіраваў малочным камбінатам з пачатку 2000-х^[7]^[8]. Аднак пасьля ўмяшальніцтва Аляксандра Лукашэнкі, які падверг дзейнасьць Юнимилку рэзкай крытыцы, ужо 4 лютага Мікіціч быў адноўлены на пасадзе^[9].

У 2011 року прэм’ер-міністар Міхаіл Мясьніковіч прапаноўваў аб’яднаць абодва прадпрыемствы^[1].

Кіраўнікі

Мікалай Ханцэвіч
Уладзімер Мікіціч

Крыніцы і заўвагі

^ ^а ^б Ганна Хадаровіч. Малако — гэта наша нафта // Вечерний Брест. — 15 ліпеня 2011.
^ Масло (рас.) Продукция. ААТ «Пружанскі малочны камбінат». Праверана 24 лістапада 2012 г.
^ ^а ^б История (рас.) О компании. ААТ «Пружанскі малочны камбінат». Праверана 24 лістапада 2012 г.
^ ^а ^б История (рас.) О компании. ААТ «Пружанскі малочны камбінат». Праверана 24 лістапада 2012 г.
^ Валентина Козлович. (9 лютага 2008) Операция «Ликвидация» (рас.) Происшествия. Беларусь сегодня. Праверана 16 жніўня 2014 г.
^ Марына Вакульская, Алена Даўжанок, Яўген Пясецкі. «Стары Амстэрдам»… па-пружанску // Звязда. — 2012.
^ Александр Горбач. (28 студзеня 2011) Уволен директор Пружанского молочного комбината (рас.) Общество. Вечерний Брест. Праверана 24 лістапада 2012 г.
^ Ганна Хадаровіч. (12 лютага 2011) Директор вернулся на молочный комбинат Эканоміка. Раённыя будні. Праверана 24 лістапада 2012 г.
^ Опять власть меняется: кадровые последствия конфликта с «Данон-Юнимилк» (рас.) Компании. Ежедневник.by (9 лютага 2011). Праверана 24 лістапада 2012 г.

Літаратура

Марына Вакульская. «Стары Амстэрдам» па-пружанску — гэта крута! // Раённыя будні. — 10 лістапада 2012. — № 86 (9532).

Вонкавыя спасылкі

Афіцыйная бачына (рас.)

52°32′56″ пн. ш. 24°27′24″ у. д. / 52.54889° пн. ш. 24.45667° у. д. / 52.54889; 24.45667Каардынаты: 52°32′56″ пн. ш. 24°27′24″ у. д. / 52.54889° пн. ш. 24.45667° у. д. / 52.54889; 24.45667

[nafta-1] а ^б Ганна Хадаровіч. Малако — гэта наша нафта // Вечерний Брест. — 15 ліпеня 2011.

[2] Масло (рас.) Продукция. ААТ «Пружанскі малочны камбінат». Праверана 24 лістапада 2012 г.

[hist1-3] а ^б История (рас.) О компании. ААТ «Пружанскі малочны камбінат». Праверана 24 лістапада 2012 г.

[hist2-4] а ^б История (рас.) О компании. ААТ «Пружанскі малочны камбінат». Праверана 24 лістапада 2012 г.

[5] Валентина Козлович. (9 лютага 2008) Операция «Ликвидация» (рас.) Происшествия. Беларусь сегодня. Праверана 16 жніўня 2014 г.

[6] Марына Вакульская, Алена Даўжанок, Яўген Пясецкі. «Стары Амстэрдам»… па-пружанску // Звязда. — 2012.

[7] Александр Горбач. (28 студзеня 2011) Уволен директор Пружанского молочного комбината (рас.) Общество. Вечерний Брест. Праверана 24 лістапада 2012 г.

[8] Ганна Хадаровіч. (12 лютага 2011) Директор вернулся на молочный комбинат Эканоміка. Раённыя будні. Праверана 24 лістапада 2012 г.

[9] Опять власть меняется: кадровые последствия конфликта с «Данон-Юнимилк» (рас.) Компании. Ежедневник.by (9 лютага 2011). Праверана 24 лістапада 2012 г.

[1]

[2]

[3]

[4]

[5]

[6]

[7]

[8]

[9]