Патрык Авамаеля
Патрык Авамаеля (па-нямецку: Patrick Owomoyela; нарадзіўся 5 лістапада 1979 году, Гамбург, Нямеччына) — нямецкі футбаліст нігерыйскага паходжаньня. У 2004—2006 гадах — гулец зборнай Нямеччыны.
| Патрык Авамаеля | ||
 Patrick Olaiya Olukayode Owomoyela | ||
| Пэрсанальная інфармацыя | ||
|---|---|---|
| Нарадзіўся | 5 лістапада 1979 (45 гадоў) Гамбург, Нямеччына | |
| Рост | 187 см | |
| Вага | 87 кг | |
| Пазыцыя | абаронца | |
| Моладзевыя клюбы | ||
| 1984—1992 1992—1998 |
Грун-Вайс Эльмсбютэль Штэлінгэн 88 | |
| Клюбы | ||
| Гады | Клюб | Гульні (галы)¹ |
| 1997—1998 1998—2001 2001—2002 2002—2003 2003—2005 2005—2008 2008—2013 2010—2013 2014 |
Штэлінгэн 88 Люнэбургэр Аснабрук Падэрборн-07 Армінія Білефэльд Вэрдэр Барусія Дортмунд Барусія Дортмунд II Гамбург II |
? (?) 75 (7) 33 (1) 23 (4) 63 (8) 50 (0) 76 (3) 8 (2) 12 (0) |
| Зборныя | ||
| 2004—2006 | Нямеччына | 11 (0) |
Кар’ера
рэдагаваць
Бацька — нігерыец, маці — немка. У дзяцінстве й юнацкасьці займаўся футболам у клюбах «Грун-Вайс Эльмсьбютэль» і «Штэлінгэн 88». Таксама ў юнацкасьці Патрык гуляў у баскетбол у рэгіянальнай лізе. Сталую футбольную кар’еру пачынаў у клюбах нізкіх рэгіянальных ліг такіх, як «Люнэбургэр», «Аснабрук» і «Падэрборн-07». У 2003 годзе перайшоў у «Армінію», у складзе якой у сэзоне 2003/04 заняў 2-е месца ў другой Бундэсьлізе, што дала камандзе права на выйсьце ў вышэйшы дывізіён. Яго гульня ў складзе «Армініі» зьвярнула да сябе ўвагу кіраўніцтва нямецкай зборнай й «Вэрдэра», аднаго з найлепшых клюбаў Нямеччыны, у які Патрык і перайшоў улетку 2005 году. Сэзон 2005/06 Авамаеля правёў у якасьці гульца асноўнага складу «Вэрдэру», але па прычыне траўмы й пасрэднай гульні быў выцесьнены са складу прыйшэлым у каманду Клемэнсам Фрыцам і на працягу двух сэзонаў выходзіў на поле вельмі нячаста. За тры сэзона, праведзеных Патрыкам у «Вэрдэры», клюб тройчы трапляў у першую тройку Бундэсьлігі; таксама Авамаеля выйграў у складзе «Вэрдэру» Кубак лігі 2006 году.
У 2008 годзе перайшоў у «Барусію» Дортмунд за 2,5 мільёну эўра[1], зь якой два гады запар станавіўся чэмпіёнам Нямеччыны, але з кожным сэзонам канкурэнцыя ў Барусіі павялічвалася й Авамаеля гуляў усё менш, акрамя таго гульца пачалі прасьледаваць пастаянныя траўмы[2][3]. У сэзоне 2012-2013 Авамаеля й зусім амаль не выходзіў на поле, у многім з-за праблемаў са здароўем[4], таму па заканчэньні сэзону 2012-2013 абвясьціў, што пакідае «Барусію»[5].
Міжнародная
рэдагаваць.jpg)
Авамаелю ўпершыню заўважыў і запрасіў у нацыянальную зборную Нямеччыны новы трэнэр Бундэстым Юрген Клінсман, які зьбіраўся будаваць да хатняга чэмпіяната сьвету цалкам новую зборную Нямеччыны: маладую, якая грае ў яскравы, атакавалы футбол, які падабаўся б заўзятарам. Але не абышлося бяз скандалу. Справа ў тым, што ў зборную Нямеччыны быў выкліканы правы паўабаронца й нападнік Джэральд Азамоа, які хоць і зрабіў першыя крокі ў футболе менавіта ў Нямеччыны, нарадзіўся ў Гане. Гэта выклікала ў краіне неадназначную рэакцыю: нацыяналістычныя арганізацыі вырашылі сустрэць гульца сьвістам і закідаць бананамі. Аднак, гэтым няхітрым плянам так і не наканавана было ажыцьцявіцца – нямецкая паліцыя яшчэ раз даказала статус адной зь самых інфармаваных у сьвеце, і спыніла акцыю на кораню. І калі акрамя Джэральда Азамоа, да якога ўжо больш-менш прывыклі, бундэстрэнэр Клінсман вырашыў прыцягнуць пад колеры нацыянальнай зборнай Патрыка Авамаелю, які, хоць і нарадзіўся ў Гамбургу, хоць і вырас у Нямеччыне, зьяўляўся сынам чарнаскурага нігерыйца. Рэакцыя грамадзкасьці была прадказальнай: сапортэры былі незадаволены другім афранемцам у камандзе, нягледзячы нават на тое, што маці Авамаеля — немка. Але ў гэты раз справа не абмежавалася толькі незадаволенасьцю заўзятараў, у разборкі ўступіла й больш вядомая постаць – Уда Фойгт, скандальны лідэр Нацыянал-дэмакратычнай партыі Нямеччыны. Гэту партыю Ведамства па ахове канстытуцыі Нямеччыны вызначае як праваэкстрэмізкую. Фойгт пачаў распаўсюджваць улёткі з малюнкамі, на якіх была намалявана беласьнежная суколка нямецкай зборнай з дваццаць пятым нумарам, якую насіў Авамаеля, і надпісам – «Белы. Не проста колер футболкі. За сапраўдную нацыянальную зборную!». Скандал выйшаў грандыёзным. Авамаеля думаў вельмі доўга (калі быць цалкам дакладным – каля двух гадоў), перш чым пракамэнтаваў дзеяньні Фогта. «Я шакаваны тым, як выкарыстоўвалася маё імя, - сказаў футбаліст. – На мяне яшчэ ні разу не нападалі настолькі прамалінейна. Гэта супраць маіх перакананьняў, і я падаю ў суд». Увесну 2008 году нямецкая пракуратура ўзбудзіла справу супраць Фойгта зь вельмі сур’ёзнай фармулёўкай: распальваньне міжнацыянальнай розьні[6].
За зборную Нямеччыны Авамаеля правёў у 2004—2006 гадах 11 матчаў і заняў у яе складзе 3-е месца на Кубку канфэдэрацый 2005.
Дасягненьні
рэдагавацьАрмінія Білефэльд:
Вэрдэр Брэмэн:
- Срэбраны прызэр Чэмпіяната Нямеччыны (2): 2006, 2008
- Уладальнік Кубка Лігі Нямеччыны: 2006
- Бронзавы прызэр чэмпіяната Нямеччыны: 2007
Барусія Дортмунд:
- Чэмпіён Нямеччыны (2): 2011, 2012
- Уладальнік Кубка Нямеччыны: 2012
- Уладальнік Супэркубка Нямеччыны: 2008
- Срэбраны прызэр чэмпіяната Нямеччыны: 2013
- Фіналіст Лігі чэмпіёнаў УЭФА: 2013
Зборная Нямеччыны:
- Бронзавы прызэр Кубку канфэдэрацый: 2005
Асабістыя:
- Найлепшы гулец месяца: сьнежань 2004
- Сымбалічная каманда Чэмпіянату Нямеччыны сэзону: 2010-2011
Крыніцы
рэдагаваць- ^ Овомойела покинет «Вердер» и перейдет в дортмундскую «Боруссию».. www.sports.ru
- ^ Овомойела ляжет под нож.. football.ua
- ^ Овомойела: очередная серьезная травма.. football.ua
- ^ Овомойела: не вписываюсь в планы Боруссии Д.. football.ua
- ^ Овомойела покинет Боруссию Д.. football.ua
- ^ И тебя услышат на стадионе: черные арийцы.. football.ua
Вонкавыя спасылкі
рэдагаваць
Патрык Авамаеля — сховішча мультымэдыйных матэрыялаў
- Афіцыйны сайт Патрыка Авамаеля
- Профіль на афіцыйным сайце «Барусіі» Дортмунд
- Профіль на сайце Fussballdaten.de
- Профіль на сайце Kicker.de