Клемэнс Фрыц

Клемэнс Фрыц (па-нямецку: Clemens Fritz; нарадзіўся 7 сьнежня 1980 году, Эрфурт, НДР) — нямецкі футбаліст, абаронца. Вядомы дзякуючы свайму высокаму тэмпу гульні й выдатным перадачам.

Клемэнс Фрыц
Пэрсанальная інфармацыя
Нарадзіўся	7 сьнежня 1980 (43 гады) Эрфурт, НДР
Рост	183 см
Вага	81 кг
Пазыцыя	абаронца
Клюбы
Гады	Клюб	Гульні (галы)¹
1999—2001 2001—2003 2003—2006 2006—2017	Рот-Вайс Карльсруэ Баер Вэрдэр	32 (10) 61 (7) 43 (2) 288 (5)
Зборныя
2006—2008	Нямеччына	22 (2)

Кар’ера

Клюбная

Футбольную кар’еру Клемэнс пачаў у 14 гадоў у юнацкай камандзе клюбу «Рот-Вайс» зь ягонага роднага Эрфурту. Праз два гады ў клюбе пачаліся фінансавыя праблемы й футбольная школа была зачынена. Клемэнс працягнуў заняткі ў Ляйпцыгу, у футбольнай школе мясцовага клюбу «Ляйпцыг», але праз год ён зноўку вярнуўся ў Эрфурт, дзе стаў выступаць за моладзевую каманду чырвона-белых. З 1999 году Фрыц стаў прыцягвацца да гульняў асноўнай каманды й за два сэзоны правёў 57 матчаў і забіў 14 мячоў.

У 2001 годзе маладога абаронцу запрасілі ў клюб Другой Бундэсьлігі «Карльсруэ». У новым клюбе Фрыц рэгулярна выходзіў на поле ў асноўным складзе.

У 2003 годзе ён заключыў кантракт з «Баерам» зь Левэркузэну. 9 лістапада 2003 году Фрыц правёў свой першы матч у Бундэсьлізе. Улетку 2004 году Клемэнс атрымаў сур’ёзную траўму й здолеў вярнуцца на поле толькі ў сакавіку 2005 году, выйшаўшы на поле ў матчы супраць «Лівэрпулу» ў рамках розыгрышу Лігі чэмпіёнаў.

У 2006 годзе Клемэнс Фрыц перайшоў у брэмэнскі «Вэрдэр», дзе неўзабаве таксама стаў асноўным правым абаронцам каманды, выцесьніўшы са складу гульца зборнай Нямеччыны Патрыка Авамаелю.

Міжнародная

Дэбют у нацыянальнай зборнай Нямеччыны адбыўся 7 кастрычніка 2006 году ў матчы супраць зборнай Грузіі, а 2 чэрвеня 2007 году ў матчы супраць зборнай Сан-Марына Фрыц правёў свой першы гол.

Дасягненьні

Клюбныя

Шальке-04:

• Уладальнік Кубку нямецкай лігі: 2006

Міжнародныя

Нямеччына:

• Срэбраны прызэр чэмпіянату Эўропы: 2008

Вонкавыя спасылкі

Клемэнс Фрыц — сховішча мультымэдыйных матэрыялаў

• Профіль на афіцыйным сайце «Вэрдэру»
• Профіль на сайце uefa.com
• Профіль на сайце fussballdaten
• Профіль на сайце kicker.de