Палесьсе (прадпрыемства)
«Палесьсе» — найбольшае трыкатажнае прадпрыемства Беларусі, заснаванае ў студзені 1965 году ў Пінску (Берасьцейская вобл.).
| Тып | адкрытае акцыянэрнае таварыства |
|---|---|
| Дэвіз | Ад пражы да трыкатажу |
| Заснаваная | 27 студзеня 1965 (59 гадоў таму) |
| Заснавальнікі | Савет народнай гаспадаркі БССР |
| Краіна | Беларусь |
| Разьмяшчэньне | Берасьцейская вобласьць |
| Адрас | Пінск, Першамайская вул., д. 159, корп. 3 |
| Ключавыя фігуры | Віктар Вайтовіч, Уладзімер Макарскі[1] |
| Галіна | прамысловасьць |
| Прадукцыя | джэмпэр, жакет, нагавіцы, спадніца, сукенка, сьвітэр, шалік, шапка |
| Абарачэньне |  273,012 млрд рублёў[2] (2014; $26,609 млн)[3]
|
| Апэрацыйны прыбытак | -66,265 млрд руб ($-6,459 млн)
|
| Чысты прыбытак | -64,872 млрд руб ($-6,323 млн)
|
| Лік супрацоўнікаў | 2267 (2014) |
| Матчына кампанія | «Беллегпрам» |
На 2015 г. мела 24 крамы «Пінскі трыкатаж» у 13 гарадах ва ўсіх абласьцях краіны.
Мінуўшчына рэдагаваць
27 студзеня 1965 г. пачалося ўсьвядзеньне вытворчых карпусоў Пінскага камбінату верхняга трыкатажу, што сталася найбуйнейшым прадпрыемствам лёгкай прамысловасьці Беларусі. 28 сьнежня 1968 г. пусьцілі 1-ую чаргу вытворчасьці. У 1970 г. адчынілі камвольную фабрыку (часальна-прадзільную вытворчасьць) для выпуску паўшарсьцяной і штапельнай(ru) пражы. У 1972 г. увялі ў дзеяньне фабрыку аб’ёмнай пражы для выпуску поліакрыланітрыльнай(en) пражы. 28 жніўня 1980 г. камбінат ператварылі ў Пінскае прадзільна-трыкатажнае аб’яднаньне. 16 кастрычніка 1991 г. назоў зьмянілі на Пінскае прамыслова-гандлёвае аб’яднаньне «Палесьсе», якое 10 лютага 1992 г. увайшло ў канцэрн «Беллегпрам» (Менск). 20 лютага 1995 г. аб’яднаньне сталася ААТ[4]. На 2001 г. вырабляліся трыкатаж, аб’ёмная і шарсьцяная пража[5].
На 2011 г. ААТ «Палесьсе» мела каля 4 тыс. супрацоўнікаў, зь якіх 1450 (36%) працавалі на фабрыцы. Ажыцьцяўляўся пашыў джэмпэраў, жакетаў, спартовых касьцюмаў, сукенак і сьвітэраў. Уласная сетка збыту ў Беларусі налічвала звыш 20 фірмовых крамаў, найбольш у сталіцы і Пінску. Палова вырабаў экспартавалася ў Расею[6]. На 2013 г. вытворчыя плошчы ААТ складалі 11,87 га. Гандлёвыя прадстаўніцтвы працавалі ў Віцебску, Гомелі і Магілёве. Сетка збыту складалася з 8 крамаў у Берасьцейскай, Гарадзенскай і Менскай абласьцях. У асноўным выпускаліся пража (51%) і трыкатаж (47%). Гадавая вытворчая магутнасьць прадпрыемства склала 4166 тонаў пражы (2 724 тн. аб’ёмнай — 65%, 1 161 тн. шарсьцяной — 28% і 281 тн. штапельнай — 7%), 1878 тыс. трыкатажных вырабаў і 12 тн. трыкатажнага палатна. ААТ «Палесьсе» мела 3232 супрацоўнікі[7].
Крыніцы рэдагаваць
- ^ Кантактныя зьвесткі (рас.) // ААТ «Палесьсе», 2021 г. Праверана 15 чэрвеня 2021 г.
- ^ Справаздача аб дзейнасьці ААТ за 2014 год (рас.) // Міністэрства фінансаў Рэспублікі Беларусь, 29 траўня 2015 г. Праверана 19 верасьня 2015 г.
- ^ Сярэднеўзважаны курс беларускага рубля ў адносінах да замежных валют на валютным рынку Рэспублікі Беларусь за 2014 год // Нацыянальны банк Рэспублікі Беларусь Праверана 19 верасьня 2015 г.
- ^ Пінскае прамыслова-гандлёвае аб’яднаньне «Палесьсе» (рас.) // Фондавы каталёг дзяржаўных архіваў Рэспублікі Беларусь, 2012 г. Праверана 19 верасьня 2015 г.
- ^ Пінскі камбінат верхняга трыкатажу // Беларуская энцыкляпэдыя ў 18 тамах / гал.рэд. Генадзь Пашкоў. — Менск: Беларуская энцыкляпэдыя імя Петруся Броўкі, 2001. — Т. 12. — С. 370. — 560 с. — 10 000 ас. — ISBN 985-11-0198-2
- ^ Уладзімер Хількевіч, Алена Даўжанок. А пра моду спытайце ў «Палесься» // Зьвязда : газэта. — 29 верасьня 2011. — № 186 (27049). — С. 4. — ISSN 1990-763x.
- ^ Інфармацыйны мэмарандум ААТ «Палесьсе» (рас.) // Дзяржаўны камітэт па маёмасьці Рэспублікі Беларусь, 2014 г. Праверана 19 верасьня 2015 г.
- ^ УКАЗ ПРЕЗИДЕНТА УКРАЇНИ №276/2023 (укр.) Прэзідэнт Украіны
Вонкавыя спасылкі рэдагаваць
- Зваротная сувязь (рас.) // ААТ «Палесьсе», 2021 г. Праверана 15 чэрвеня 2021 г.
 |
Гэта — накід артыкула пра Беларусь. Вы можаце дапамагчы Вікіпэдыі, пашырыўшы яго. |