Палац культуры прафсаюзаў (Менск)
| Славутасьць | |
Палац культуры прафсаюзаў
| |
 Палац культуры прафсаюзаў на Кастрычніцкай плошчы
| |
| Краіна | Беларусь |
| Места | Менск |
| Адрас | Кастрычніцкая плошча (Менск) і праспэкт Незалежнасьці |
| Каардынаты | 53°54′11.78″ пн. ш. 27°33′47.7″ у. д. / 53.9032722° пн. ш. 27.56325° у. д.Каардынаты: 53°54′11.78″ пн. ш. 27°33′47.7″ у. д. / 53.9032722° пн. ш. 27.56325° у. д. |
| Тып будынка | палац |
| Архітэктурны стыль | савецкі нэаклясыцызм |
| Аўтар праекту | В. Яршоў |
| Будаваньне | 1949—1954 гады |
| Статус | ахоўваецца дзяржавай |
| Стан | дзейны |
| Сайт | rdkp.by |
Палац культуры прафсаюзаў на мапе Беларусі   Палац культуры прафсаюзаў | |
 Палац культуры прафсаюзаў на Вікісховішчы
| |
Пала́ц культу́ры прафсаю́заў — дом культуры прафсаюзаў Беларусі, цэнтар культурна-масавай і асьветніцкай працы. Знаходзіцца ў Менску. Пабудаваны ў 1954 року. Адкрыты 3 ліпеня 1956. Архітэктар В. Яршоў. Разьмяшчаецца па адрасе пр-т Незалежнасьці, 25 (станцыя мэтро «Кастрычніцкая»). Мае некалькі заляў, студыяў. Галоўным фасадам стаіць да Кастрычніцкай плошчы. На фасадзе ўстаноўлена скульптурная група (скульптары А. Глебаў, В. Папоў, С. Селіханаў).
Гісторыя
рэдагавацьНа месцы сёньняшняга Палацу прафсаюзаў (на былой Захар’еўскай, 97) знаходзіўся «дом Боршча». Тут была кантора аб’яваў са сваім друкаваным органам. Гэтак жа ў гэтым будынку знаходзіўся кантроль Лібава-Роменскай чыгункі. Гэта быў невялікі драўляны домік.
У 1949 пачалося будаўніцтва Палацу прафсаюзаў па праекце В. Яршова. Заканчэньне будаўніцтва — у 1954 г. Адкрыцьцё адбылося 3 ліпеня 1956 року.
26 красавіка 2008 з франтону будынка пры дапамозе вежавых кранаў былі зьнятыя амаль на паўгоду, на рэстаўрацыю, скульптурныя кампазыцыі, якія ўпрыгожвалі яго. Таксама была адрэстаўраваная і кампазыцыя, разьмешчаная на франтоне будынку. Гэта — дзяўчына са скрыпкай, хлопчык з глёбусам, рабочы, сялянка, спартоўка і навуковец (аўтары работ — скульптары Сяргей Селіханаў, Аляксей Глебаў і Віктар Папоў).
Апісаньне
рэдагаваць
На першым паверсе Палацу культуры разьмешчаная ўмяшчальная і багатая па сваім унутраным убраньні калённая заля. Тут жа знаходзіцца тэатар Палаца культуры прафсаюзаў. Заля гэтага тэатру разьлічаная на 850 месцаў з партэрам і ярусамі. Сцэна тэатру абсталяваная па ўзоры Вялікага акадэмічнага тэатру ў Маскве. Сьцены калённай і тэатральнай заляў упрыгожаныя ляпнінай.
У 2005 была адкрыта новая харэаграфічная заля, абсталяваная станкамі і люстранай сьцяной.
Палац мае бібліятэку, розныя гурткі мастацкай самадзейнасьці. У адмысловай залі пасяджэньняў ладзяцца розныя нарады, сходы працоўных. Для фізкультурнікаў добраахвотных спартовых таварыстваў прафсаюзаў абсталяваная спартовая заля.
У Белай залі плошчай 256 квадратных мэтраў ладзяцца ўрачыстыя мерапрыемствы і заняткі танцавальных калектываў.
Апроч гэтага, госьці Палацу могуць наведаць «Арт-кавярню» на 60 месцаў.
Месцазнаходжаньне
рэдагавацьБудынак разьмешчаны па адрасе праспэкт Незалежнасьці, 25, а фактычна знаходзіцца на Кастрычніцкай плошчы.
Найбліжэйшыя будынкі — Палац Рэспублікі і музэй Вялікай Айчыннай вайны.
Найбліжэйшая станцыя мэтро — «Кастрычніцкая» (адзін з выхадаў зь якой знаходзіцца проста каля Палацу культуры прафсаюзаў).
Вонкавыя спасылкі
рэдагаваць
|
Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр 713Г000173 |