Павал Баскакаў
Па́вал Баска́каў (нарадзіўся 28 лістапада 1991 году) — беларускі футбаліст, паўабаронца.
| Павал Баскакаў | ||
| Пэрсанальная інфармацыя | ||
|---|---|---|
| Нарадзіўся | 28 лістапада 1991[1] (32 гады) | |
| Пазыцыя | паўабаронца | |
| Клюбы | ||
| Гады | Клюб | Гульні (галы)¹ |
| 2008—2011 | БАТЭ | 0 (0) |
| 2010 | → Камунальнік[d] | 25 (1) |
| 2011 | → Віцебск | 5 (0) |
| 2011 | → Камунальнік[d] | 13 (1) |
| 2012—2014 | Смаргонь | 63 (6) |
| 2015 | Мікашэвічы | 5 (0) |
| 2016 | Дняпро Магілёў | 19 (3) |
| 2017 | Узда | 5 (0) |
| 2018—2019 | Крумкачы | 45 (11) |
| 2020 | Хваля | 11 (1) |
| 2021—2022 | Кронан[d] | 5 (1) |
Кар’ера
рэдагавацьВыхаванец менскай футбольнай школы «Фартуна». Пасьля трапіў у склад барысаўскага БАТЭ, дзе гуляў за дубль. Сэзон 2010 году правёў у арэндзе ў слонімскім «Камунальніку», а на наступны год дэбютаваў у Найвышэйшай лізе ў складзе «Віцебску». У верасьні 2011 году пакінуў віцебскі клюб і зноў апынуўся ў «Камунальніку». Пачынаючы з сэзону 2012 году пачаў выступаць у Першай лізе за «Смаргонь». Спачатку толькі выходзіў на замену, але потым замацаваўся ў асноўным складзе. У сэзоне 2014 году ўжо быў адным з найлепшых у складзе смаргонцаў, узяўшы ўдзел у 29 матчах чэмпіянату з 30 і дапамог «Смаргоні» заняць высокае чацьвертае месца.
У лютым 2015 году падпісаў кантракт зь мікашэвіцкім «Гранітам»[2]. У складзе «Граніта» гуляў пераважна за дубль, у асноўнай камандзе зрэдку выходзіў на замену. У сакавіку 2016 году пакінуў Мікашэвічы[3]. У 2016 годзе выступаў за клюб «Прамень»[4]. Зь сярэдзіны сэзону 2017 году выступаў за клюб «Узда»[5]. З 2018 году выступаў за клюб «Крумкачы»[6], які на наступны сэзон быў пераназваны ў НФК. У першай палове 2019 году звычайна выходзіў у пачатковым складзе, а пазьней пачаў перадусім зрэдку выходзіць на замену. У студзені 2020 году пакінуў НФК[7].
У лютым 2020 году падпісаў кантракт зь пінскай «Хваляй»[8]. Пакінуў каманду па заканчэньні сэзону 2020 году. У ліпені 2021 году далучыўся да стаўпецкага «Кронана», дзе гуляў да канца сэзону. У пачатку 2024 году стаў адміністратарам каманды БАТЭ-2[9].
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Граніт | 2015 | Найвышэйшая ліга | 5 | 0 |
| Прамень | 2016 | Першая ліга | 19 | 3 |
| Узда | 2017 | Другая ліга | 5 | 0 |
| Крумкачы | 2018 | Другая ліга | 26 | 8 |
Крыніцы
рэдагаваць- ^ а б в Pavel Baskakov // Transfermarkt (мн.) — 2000.
- ^ «Гранит» заключил контракты с Каршакевичем и Баскаковым (рас.)
- ^ Голяткин на просмотре в "Граните", Кашкавал и Антонюк не подошли клубу (рас.)
- ^ Первая лига. Заявки команд. «Гомель» Журавля и «Днепр» Седнева: видим цель — не видим преград? (рас.)
- ^ Информация о команде «Узда» — 27-й чемпионат Беларуси (2017) (рас.)
- ^ Вторая лига. Старт сезона. Чемпионат в чьем-то уме (рас.)
- ^ НФК расстался с Баскаковым (рас.)
- ^ Дмитрий Градобоев и Павел Баскаков подписали контракты с "Волной" (рас.)
- ^ Баскаков Павел Игоревич (рас.)
Вонкавыя спасылкі
рэдагаваць- Статыстыка «ПБ-Инфо» (рас.)