Мікола Дубоўскі
Мікола (Мікалай Аляксандравіч) Дубоўскі (17 студзеня 1933 году[1], в. Самойлавічы, Пружанскі павет, Польская Рэспубліка, цяпер на тэрыторыі гораду Бярозы — 11 траўня 2013) — беларускі пісьменьнік, празаік, сябра Саюзу пісьменьнікаў Беларусі.
| Мікола Дубоўскі | |
| Мікола Аляксандравіч Дубоўскі | |
| Асабістыя зьвесткі | |
|---|---|
| Псэўданімы | Дубоўскі Н., Мікалай Дубоўскі, Мікола Дубоўскі |
| Нарадзіўся | 17 студзеня 1933 Самойлавічы, Бярозаўскі раён, Берасьцейская вобласьць, Беларусь |
| Памёр | 11 траўня 2013 (80 гадоў) Менск, Беларусь |
| Пахаваны | |
| Літаратурная дзейнасьць | |
| Род дзейнасьці | пісьменьнік,публіцыст, празаік |
| Гады творчасьці | 1974—2016 |
| Кірунак | аповеды пра вайну 1941—1945 |
| Мова | беларуская |
| Дэбют | «Грымотнае раньне» (1984) |
| Значныя творы | «Грымотнае раньне», «Шапэн», «Першая прыступка», «Пасьля сьвітанку», «У кожнага свая вайна» |
| Творы на сайце Kamunikat.org | |
| Мікола Дубоўскі | |
Біяграфія
рэдагавацьНарадзіўся ў вёсцы Самойлавічы Пружанскага павету Палескага ваяводзтва, Польская Рэспубліка (цяпер мікрараён гораду Бяроза Берасьцейскай вобласьці, Беларусь). Пайшоў у школу 1 верасьня 1939 году — у адзін дзень з пачаткам Другой сусьветнай вайны. Падзеі гэтых часоў ляглі ў аснову ягонай аповесьці «Грымотнае ранне». Скончыў школу ў суседняй Бярозе. У 1956 годзе скончыў філялягічны факультэт Берасьцейскага пэдагагічнага інстытуту (цяпер БрДУ імя А. С. Пушкіна)[2]. Атрымаў спэцыяльнасьць «выкладчык беларускай мовы і літаратуры». Працаваў настаўнікам у Браслаўскім раёне, потым перайшоў працаваць у Берасьцейскую абласную газэту «Зара», у рэспубліканскай моладзевай газэце «Чырвонай Змене», «Настаўніцкай газэце». З 1959 году інспэктар, потым да пэнсіі старэйшы інспэктар Рэспубліканскага прадпрыемства «Белсаюздрук» Міністэрства сувязі БССР. Жыў у Менску. Памёр 11 траўня 2013 году[3]. Пахаваны ў Менску, на могілках "Усходнія".
Творчасьць
рэдагавацьАўтар тэкстаў да агітацыйнах плякатаў. Склаў каляндар на 1974 год[4]. У 1984 годзе выйшла кніга, у якую ўвайшла аповесьць «Грымотнае ранне» М. Дубоўскага і апавяданьні беларускага пісьменьніка Васіля Ткачова[5]. У 1991 годзе выйшла кніга «Першая прыступка», у якую ўвайшлі аповесьці і апавяданьні «Пасля світанку» і «Соль» М. Дубоўскага і аповесьць «Каменная сцяна» Міколы Горцава[6]. У 1994 выйшаў асабісты зборнік аповесьцяў і апавяданьняў «Шапэн»[7]. Друкаваў апавяданьні ў часопісах «Полымя» і «Дзеяслоў», газэце «Новы Час», літаратуразнаўчыя артыкулы ў газэце «Літаратура і мастацтва».
Крыніцы
рэдагаваць- ^ Мікола Аляксандравіч Дубоўскі нарадзіўся ў 1933 годзе ў вёсцы Самойлавічы (зараз яе няма, бо стала часткаю места Бяроза, Бярозаўскага раёна, Берасьцейскае вобласьці).
- ^ Выбар // Полымя. — 2010. — № 9 (971). — С. 97.
- ^ Памёр 11 траўня 2013 году.
- ^ Каляндар на 1974 год / Склад. М. А. Дубоўскі. — Мн.: Полымя, 1973. — 42 000 ас.
- ^ Грымотнае ранне : Аповесць: Для сярэд. і стар. шк. узросту / М.Дубоўскі. Партрэт салдата: Апавяданні/ В. Ткачоў / Рец. Л. М. Дайнека, У. М. Шыцік; Маст. М. Дз. Рыжы. — Мн.: Юнацтва, 1984. — С. 3-78. — 12 000 ас.
- ^ Каменная сцяна / Мікола Горцаў. Першая прыступка : аповесці, апавяданні : [для сярэдняга і старэйшага школьнага ўзросту] / Мікола Дубоўскі / [мастак В. В. Прапаршчык]. — Мінск: Юнацтва, 1991. — 203 с. — 20 000 ас.
- ^ Дубоўскі М. «Шапэн» : Аповесці і апавяданні. — Мінск: Маст.літ., 1994. — 222 с.
Вонкавыя спасылкі
рэдагаваць- Дубоўскі Мікалай Аляксандравіч. Саюз Беларускіх пісьменьнікаў. — Творчая арганізацыя Беларусі. Архіўная копія ад 5 верасьня 2014 г.
- Леанід Дайнека. Свой агеньчык Архіўная копія
- «У кожнага свая вайна»