Мікалай Кашэўскі
Мікала́й Кашэ́ўскі (нар. 5 кастрычніка 1980 году, Жодзін, БССР) — колішні беларускі футбаліст, абаронца. Уладальнік Кубку і Супэркубку краіны ў складзе клюбу «Гомель». Найлепшы абаронца чэмпіянату Беларусі 2012 году. Па сканчэньні кар’еры часьцяком уваходзіў у трэнэрскія штабы Алега Кубарава ў розных клюбах.
| Мікалай Кашэўскі | ||
| ||
| Пэрсанальная інфармацыя | ||
|---|---|---|
| Нарадзіўся | 5 кастрычніка 1980[1][2] (44 гады) | |
| Рост | 190 см | |
| Вага | 81 кг | |
| Пазыцыя | абаронца | |
| Клюбы | ||
| Гады | Клюб | Гульні (галы)¹ |
| 1999 | Тарпэда-БелАЗ | 29 (8) |
| 2001 | Дарыда | 21 (3) |
| 2002—2003 | СКВІЧ | 37 (12) |
| 2003—2004 | Мэталюрг Запарожжа | 6 (1) |
| 2004—2006 | Крыўбас | 62 (11) |
| 2006—2008 | Мэталюрг Запарожжа | 52 (3) |
| 2008—2010 | Марыюпаль | 50 (4) |
| 2010 | Таўрыя Сімфэропаль | 2 (0) |
| 2011—2012 | Гомель | 58 (13) |
| 2013—2014 | Шахцёр Салігорск | 51 (0) |
| 2015 | Віцебск | 24 (1) |
| 2016 | Спартакс | 5 (0) |
| Зборныя | ||
| 2006—2009 | Беларусь | 13 (0) |
Кар’ера
рэдагавацьКлюбная
рэдагавацьПачаў гуляць на прафэсійным узроўні ў сталічным клюбе «Рэал», пазней выступаў за клюбы жодзінскае «Тарпэда» і менкі «Лякаматыў».
На працягу 2003 году абараняў колеры ўкраінскага клюбу «Мэталюрг» (Запарожжа). Сваёй гульнёй за апошнюю каманду прыцягнуў увагу прадстаўнікоў трэнэрскага штабу клюбу «Крыўбас». Гуляў за крывароскую каманду наступныя тры сэзоны сваёй гульнявой кар’еры. Большасьць часу, праведзенага ў складзе «Крыўбас», быў асноўным гульцом каманды. Пасьля з 2006 па 2010 гады гуляў у складзе камандаў клюбаў «Мэталюрг» (Запарожжа), «Ільлічовец» і «Таўрыя». У апошнім клюбе Мікалай выступаў у асноўным за дублюючы склад каманды. 30 лістапада 2010 году кантракт зь сімфэропальскім клюбам быў скасаваны паводле згоды абодвух бакоў.
У склад клюбу «Гомель» далучыўся ў 2011 годзе, падісаўшы з клюбам кантракт па схеме «1+1». У пачатку 2012 году атрымаў месца асноўнага цэнтральнага абаронцы і капітана каманды пасьля Сяргея Канцавога. Паводле вынікаў сэзону 2012 году быў абраны найлепшым абаронцам беларускага першынства. У «Гомлі» вызначыўся выдатнымі бамбрардзірскімі паказьнікамі, бо за два гады забіў 13 галоў у чэмпіянаце. У студзені 2013 году як вольны агент далучыўся да табару салігорскага «Шахцёру»[3]. У салігорскім клюбе быў асноўным левым абаронцам, але часам выступаў і ў цэнтры. У сьнежні 2013 году падоўжыў кантракт з гарнякамі[4]. У сэзоне 2014 году стала пачаў выступаць на пазыцыі цэнтральнага абаронцы. У жніўні 2014 году атрымаў траўму, вярнуўся да шыхтаў у лістападзе таго ж году. У студзені 2015 году па заканчэньні кантракту пакінуў салігорскі клюб[5]. Цікавасьць да Кашэўскага мела малдаўская «Дачыя», але кантракт зь ім ня быў заключаны[6].
У лютым 2015 году перайшоў у клюб «Віцебск»[7], дзе быў прызначаны капітанам каманды. У сакавіку 2016 году падпісаў кантракт з латвійскім клюбам «Спартакс»[8], які ачольваў беларускі спэцыяліст Алег Кубараў. Разам з «Спартаком» стаў чэмпіёнам Латвіі, але большую частку сэзону быў вымушаны прапусьціць праз траўму. Пасьля сэзону 2016 году завяршыў кар’еру і ўвайшоў у трэнэрскі штаб салігорскага «Шахцёру»[9]. У студзені 2018 году ўвашоў у трэнэрскі штаб «Тарпэда-БелАЗу»[10].
Міжнародная
рэдагавацьПрыцягвацца ў нацыянальную зборную Беларусі Мікалай пачаў яшчэ выступаючы ва Ўкраіне. Дэбютаваў у складзе зборнай 1 сакавіка 2006 году ў таварыскім матчы супраць зборнай Фінляндыі (2:2).
Трэнэрская праца
рэдагавацьУ студзені 2017 году, пасьля таго як Кубараў ачоліў салігорскі «Шахцёр», Кашэўскі ўвайшоў у трэнэрскі штаб гарнякоў[11], дзе адказваў за абарону. У ліпені 2017 году разам з усім трэнэрскім штабам «Шахцёра» быў адпраўлены ў адстаўку[12]. У студзені 2018 году ўвайшоў у трэнэрскі штаб Кубарава ў жодзінскім «Тарпэда-БелАЗ»[13]. У канцы 2018 году ўсьлед за Кубаравым пакінуў жодзінскі клюб[14]. З 2019 году быў памочнікам Кубарава ў латвійскай «Елгаве», у жніўні 2020 году разам зь ім пакінуў клюб[15].
У пачатку 2021 году далучыўся да трэнэрскага штабу крывароскага «Крыўбасу»[16]. У 2022 годзе пасьля выхаду «Крыўбаса» ў Прэм’ер-лігу перайшоў на працу зь юнацкімі камандамі клюбу.
Дасягненьні
рэдагаваць«Шахцёр»:
- Уладальнік Кубка Беларусі: 2014
- Срэбраны прызэр чэмпіянату Беларусі па футболе: 2013
- Бронзавы прызэр чэмпіянату Беларусі па футболе: 2014
«Гомель»:
- Уладальнік Кубка Беларусі: 2011
- Уладальнік Супэркубка Беларусі: 2012
- Найлепшы абаронца чэмпіянату Беларусі: 2012
- У сьпісе 22 найлепшых гульцоў чэмпіянату Беларусі: 2012, 2013
«Спартакс» Юрмала:
- Чэмпіён Латвіі: 2016
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Віцебск | 2015 | Найвышэйшая ліга | 24 | 1 |
Крыніцы
рэдагаваць- ^ а б в Nikolai Kashevski // Transfermarkt (мн.) — 2000.
- ^ а б в Mikalay Kashewski // FBref (мн.)
- ^ Кашевский подписал однолетний контракт с «Шахтером» (рас.)
- ^ Футбол. Николай Кашевский продлил контракт с солигорским "Шахтером"
- ^ Кашевский, Осипенко и Галюза покинут «Шахтер»
- ^ Наша "Дачия". Сломанные носы
- ^ Николай Кашевский и Владислав Павленко пополнили ряды «Витебска» (рас.)
- ^ Дмитрий Платонов стал четвертым белорусским игроком в юрмальском «Спартаке» (рас.)
- ^ Кашевский вошел в тренерский штаб «Шахтера» (рас.)
- ^ Кашевский и Тучинский вошли в тренерский штаб «Торпедо-БелАЗ» (рас.)
- ^ Кашевский вошел в тренерский штаб «Шахтера»
- ^ Кубарев отправлен в отставку с поста главного тренера солигорского "Шахтера"
- ^ Кашевский и Тучинский вошли в тренерский штаб "Торпедо-БелАЗ"
- ^ Яхая в “Аль-Фейху”, Гуренко туда же?(недаступная спасылка)
- ^ Олег Кубарев уволен с поста главного тренера "Елгавы"
- ^ Футбол. Николай Кашевский пополнит тренерский штаб "Кривбасса" из украинского Д3 Праверана 5 чэрвеня 2021 г. Архіўная копія ад 3 красавіка 2022 г.
Вонкавыя спасылкі
рэдагаваць- Профіль на сайце transfermarkt.de (анг.)
- Статыстыка «ПБ-Инфо» (рас.)
- Профіль на soccerway.com (рас.)