Крыўбас Крывы Рог

украінскі футбольны клюб

«Крыўбас» (па-ўкраінску: Кривбас) — украінскі футбольны клюб з гораду Крывы Рог. Заснаваны ў 1959 годзе. У 1999 і 2000 гадох станавіўся бронзавым прызэрам чэмпіянату Ўкраіны.

Крыўбас
Поўная назва Футбольний клуб Кривбас Кривий Ріг
Заснаваны 1959
Горад Крывы Рог, Украіна
Стадыён Мэталюрг
Умяшчальнасьць: 29 734
Чэмпіянат Прэм’ер-ліга
 · 2022—2023 7 месца
Галерэя здымкаў у Вікісховішчы
fckryvbas.com (укр.)

Гісторыя рэдагаваць

Не зважаючы на тое, што ў горадзе існавалі футбольныя каманды, сучасны клюб быў закладзены у 1959 годзе дзеля ўдзелу ў савецкае клясе Б. На той момант фактычна каманда ня мела назвы, а менавалася наўпрост паводле назвы гораду. У 1960 годзе быў нададзены назоў «Авангард», а яшчэ празь некалькі гадоў клюб меў назву «Гірнік». Сучасная назва зьявілася ў 1966 годзе. Клюб браў удзел у розыгрышы клясы А, але пасьля рэформы савецкага футболу гуляў у Другой лізе. Чатыры разы ў 1971, 1975, 1976 і 1981 годзе крывароскі клюб быў чэмпіёнам УССР. Два разы клюб браў удзел у Першай лігі чэмпіянату СССР.

У 1992 годзе па здабыцьці Ўкраінай незалежнасьці «Крыўбас» бярэ ўдзел у нацыянальным чэмпіянаце Украіны. Першы сэзон незалежнай Украіны «Крыўбас» пачаў у Першай лізе. Заняўшы першае месца, крыварожцы ў наступным сэзоне ўжо спаборнічалі ў найвышэйшым дывізіёне. У дэбютны год каманда фінішавала на 8 месцы, у наступным дружына двойчы спынялася на 6 месцы. У 1999 і 2000 годзе клюб двойчы здабываў бронзавыя мэдалі чэмпіянату, а ў розыгрышы Кубка Ўкраіны 1997—1998 гадоў быў выбіты толькі ў паўфінале кіеўскім «Дынама». У 2000 годзе «Крыўбас» ужо дакрочыў да фіналу, дзе зноў саступіў кіеўскаму «Дынама». Адзін гол у матчы забіў Аляксандар Хацкевіч.

У канцы сакавіка 2013 году прэзыдэнт «Крыўбаса» Аляксандар Ліўшыц адмаўляў чуткі аб спыненьні спансаваньня каманды з боку Ігара Каламойскага, доля якога складала амаль 50%[1], але таксама пацьвердзіў інфармацыю пра запазычанасьць перад гульцам[2][3]. Клюб дагуляў сэзон, але на апошні матч супраць «Валыні» каманда не зьявілася на пляцоўкі. Аматарскі клюб быў узроджаны ў 2015 годзе і некалькі гадоў спаборнічаў толькі ў аматарскім першынстве. У 2020 годзе з ініцыятывы Ўладзімера Зяленскага быў пераўтвораны «Крыўбас» шляхам перайменаваньня іншага крывароскага клюбу «Гірнік», які браў удзел у розыгрышы Другой лігі. У сэзоне 2022—2023 гадоў адбылося вяртаньне «Крыўбасу» да ўкраінскае Прэм’ер-лігі.

Крыніцы рэдагаваць

Вонкавыя спасылкі рэдагаваць