Мікалай Золатаў
Мікалай Золатаў (нарадзіўся 11 лістапада 1994 году) — беларускі футбаліст, абаронца клюбу «Макслайну». Былы гулец нацыянальнай зборнай Беларусі (2019—2021).
| Мікалай Золатаў | ||
| ||
| Пэрсанальная інфармацыя | ||
|---|---|---|
| Нарадзіўся | 11 лістапада 1994[1][2] (30 гадоў) | |
| Рост | 177 см | |
| Вага | 72 кг[3] | |
| Пазыцыя | абаронца | |
| Клюбная інфармацыя | ||
| Клюб | Макслайн | |
| Нумар | 35 | |
| Клюбы | ||
| Гады | Клюб | Гульні (галы)¹ |
| 2012 | Віцебск-2[d] | 27 (1) |
| 2014—2016 | Шахцёр Салігорск | 0 (0) |
| 2015 | → Віцебск | 16 (0) |
| 2016 | → Віцебск | 23 (0) |
| 2017—2019 | Віцебск | 75 (2) |
| 2020 | Урал | 15 (0) |
| 2021—2023 | Колас | 47 (0) |
| 2022 | → Бастыя | 1 (0) |
| 2024 | Елімай | 5 (0) |
| 2024— | Макслайн | 2 (0) |
| Зборныя | ||
| 2014—2016 | Беларусь (да 21) | 20 (0) |
| 2019—2021 | Беларусь | 14 (0) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьКлюбная
рэдагавацьПачаў кар’еру ў дублі «Віцебску». Пасьля вылету віцебскага клюбу з Найвышэйшай лігі паводле вынікаў сэзону 2011 году і расфармаваньня дубля працягнуў кар’еру ў фарм-клюбе «Віцебск-2», дзе ўпэўнена замацаваўся ў асноўным складзе. Па заканчэньні сэзону 2012 году разам з таварышам па камандзе Яўгенам Лебедзевым перайшоў у салігорскі «Шахцёр». У сэзоне 2013 году выступаў за дубль гарнякоў, якім дапамог атрымаць перамогу ў першынстве дублюючых складаў. На наступны сэзон часам зьяўляўся на лаве запасных у асноўнай камандзе, але гэтак і не зьявіўся на пляцоўцы.
У лютым 2015 году аддадзены ў арэнду «Віцебску» да канца сэзону[4]. У віцебскім клюбе адразу замацаваўся ў якасьці гульца асноўнага складу. 11 красавіка 2015 году дэбютаваў у Найвышэйшай лізе ў матчы супраць мікашэвіцкага «Граніта» (1:1). З жніўня страціў месца ў аснове і стаў выступаць за дубль «Віцебску». У красавіку 2016 году арэнда ў «Віцебску» падоўжаная яшчэ на адзін сэзон[5]. У студзені 2017 году падпісаў зь «Віцебскам» кантракт[6]. У першай палове сэзону 2017 году ня меў трывалага месца ў аснове, а зь верасьня замацаваўся ў стартавым складзе. У сэзонах 2018 і 2019 гадоў заставаўся трывалым гульцом асновы.
У сьнежні 2019 году па заканчэньні кантракту пакінуў «Віцебск»[7] і неўзабаве падпісаў доўгатэрміновы кантракт з расейскім клюбам «Урал» зь Екацярынбургу[8]. У складзе «Ўралу» ня меў трывалага месца ў складзе, нярэдка заставаўся на лаўцы запасных. У студзені 2021 году дамова з расейскім клюбам была скасаваная[9]. У лютым 2021 году быў афіцыйна прадстаўлены ў якасьці гульца ўкраінскага «Коласа»[10]. Гуляў пераважна ў пачатковым складзе каманды. У красавіку 2022 году на правах арэнды далучыўся да «Бастыі» з францускай Лігі 2[11]. За каманду згуляў толькі ў адным матчы, калі выйшаў 14 траўня ў стартавым складзе ў матчы апошняга тура Лігі 2 супраць «Німу» (2:0) і быў заменены ў другой палове сустрэчы. У ліпені 2022 году па заканчэньні арэнды вярнуўся ў «Колас»[12].
У студзені 2024 году далучыўся да шэрагаў казаскага клюбу «Елімай»[13]. У сярэдзіне году ў статусе вольнага агента далучыўся да першалігавага «Макслайну»[14].
Міжнародная
рэдагаваць13 жніўня 2014 году дэбютаваў у моладзевай зборнай Беларусі ў таварыскім матчы супраць зборнай Малдовы. Усяго за моладзевую зборную правёў 20 матчаў, у якіх выкарыстоўваўся на пазыцыях флянгавага абаронцы і паўабаронцы. 9 верасьня 2019 году дэбютаваў у нацыянальнай зборнай Беларусі, адгуляўшы ўсе 90 хвілінаў у таварыскім матчы супраць зборнай Ўэйлзу (0:1).
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Віцебск | 2015 | Найвышэйшая ліга | 16 | 0 |
| 2016 | Найвышэйшая ліга | 23 | 0 | |
| 2017 | Найвышэйшая ліга | 21 | 0 | |
| 2018 | Найвышэйшая ліга | 29 | 0 | |
Крыніцы
рэдагаваць- ^ а б в Nikolai Zolotov // Transfermarkt (мн.) — 2000.
- ^ а б в Nikolay Zolotov // FBref (мн.)
- ^ а б http://fc-ural.ru/novosti/glavnaya-komanda/nikolaj-zolotov-novichok-fk-ural19
- ^ «Витебск» взял у «Шахтера» в аренду Евгения Лебедева и Николая Золотова (рас.)
- ^ «Витебск» вновь арендовал Золотова у «Шахтера» (рас.)
- ^ Николай Золотов подписал контракт с «Витебском» (рас.)
- ^ Хубутия, Золотов, Прудников и Журов покинули "Витебск"
- ^ Николай Золотов вместо Бреста перешел в российский "Урал"
- ^ Николай Золотов покинул российский "Урал"
- ^ Николай Золотов официально представлен в качестве футболиста "Колоса"
- ^ Николай Золотов перешел из "Колоса" в "Бастию" на правах аренды
- ^ Николай Золотов вернулся в "Колос"
- ^ Официально: Корзун и Золотов стали игроками казахстанского "Елимая" (рас.)
- ^ Николай Золотов стал игроком "Макслайна" (рас.)
Вонкавыя спасылкі
рэдагаваць- Статыстыка «ПБ-Инфо» (рас.)