Літаратура і мастацтва (выдавецтва)
«Літарату́ра і маста́цтва» — рэдакцыйна-выдавецкая ўстанова (РВУ).
| Заснаваная | 2002 |
|---|---|
| Заснавальнікі | Міністэрства інфармацыі Рэспублікі Беларусь |
| Краіна | |
| Разьмяшчэньне | Менск |
| Закрытая | 2012 |
| Галіна | Выдавецкая |
| Прадукцыя | Кнігі |
Гісторыя рэдагаваць
Створана ў 2002 годзе. Заснавальнік — Міністэрства інфармацыі Рэспублікі Беларусь. У кастрычніку 2012 году спыніла сваё існаваньне. Падразьдзяленьні РВУ увайшлі ў склад новай рэдакцыйна-выдавецкай установы «Выдавецкі дом «Звязда»».
На момант закрыцьця ў склад РВУ уваходзілі літаратурна-мастацкія і грамадзка-палітычныя часопісы «Полымя», «Маладосць», «Нёман», альманах «Вожык», газэта «Літаратура і мастацтва», а таксама выдавецкі аддзел, які ажыцьцяўляў выпуск кніг. Раней у структуры РВУ знаходзіліся часопісы «Бярозка», «Крыніца» і «Всемирная литература», якія спынілі існаваньне.
Дырэктары РВУ рэдагаваць
- Сяргей Касьцян (2002)
- Таіса Бондар (2002-2005)
- Алесь Карлюкевіч (2006-2011)
- Алесь Бадак (2011-2012 — у якасьці першага намесьніка дырэктара)
Кніжны профіль рэдагаваць
РВУ «Літаратура і Мастацтва» выдавала літаратуру мастацкую, дакумэнтальную, гістарычную, краязнаўчую, навучальную, для дзяцей сярэдняга і малодшага ўзросту. Выходзілі сэрыі «Пераходны ўзрост», «Лімаўскі фальварак», «Сьвятло мінуўшчыны» і іншыя. Ажыцьцяўляліся праекты «Мы — беларусы», «У пошуках страчанага», «Блакітная кніга ў творах беларускіх пісьменьнікаў», «Сто асоб беларускай гісторыі», «Сьвятло мінуўшчыны», «Бібліятэка сусьветнай літаратуры». У год выдавалася звыш 50 кніг, кожная накладам у сярэднім 1200 асобнікаў, на беларускай, расейскай, ангельскай і нямецкай мовах.
Крыніцы рэдагаваць
Вонкавыя спасылкі рэдагаваць
- Кнігі выдавецтва ЛіМ у Нацыянальнай бібліятэцы Беларусі