Людавік Жулі (па-француску: Ludovic Giuly; нарадзіўся 10 ліпеня 1976 году ў Ліёне) — францускі футбаліст, гуляў на пазыцыях нападніка і паўабаронцы.

Людавік Жулі
Людавік Жулі
Ludovic Giuly
Пэрсанальная інфармацыя
Нарадзіўся 10 ліпеня 1976 (47 гадоў)
Ліён, Францыя
Рост 164 см
Вага 62 кг
Пазыцыя паўабаронца
Клюбы
Гады Клюб Гульні (галы)¹
1994—1998
1998—2004
2004—2007
2007—2008
2008—2011
2011—2012
2012—2013
2013—2016
Ліён
Манака
Барсэлёна
Рома
Пары Сэн-Жэрмэн
Манака
Ляр’ен
Монт-д’Ор-Азэрг
100 (21)
184 (47)
85 (19)
32 (6)
100 (16)
27 (3)
17 (1)
39 (16)
Зборныя
2000—2005 Францыя 17 (3)

Кар’ера рэдагаваць

Клюбная рэдагаваць

Пасьля пачатку сваёй футбольнай кар’еры ў «Ліёне» ў 1994 годзе, Жулі перайшоў у «Манака» ў студзені 1997 году. А затым 28 чэрвеня 2004 году зь ім падпісала кантракт «Барсэлёна».

Клюбная яго кар’ера склалася значна лепш. У сэзоне 1999—2000 гадоў ён стаў чэмпіёнам Францыі ў складзе «Манака». Затым у складзе «манегаскаў» дайшоў да фіналу Лігі чэмпіёнаў. Пасьля пераходу ў «Барсэлёну» Жулі выйграў 2 чэмпіянаты Гішпаніі, Супэркубак Гішпаніі і Лігу чэмпіёнаў.

17 ліпеня 2007 году Жулі падпісаў трохгадовы кантракт з італьянскай «Ромай», па якім ён атрымліваў 1,8 млн эўра ў год. «Барсэлёна» атрымала ад продажу футбаліста 3,2 млн эўра[1]. 18 ліпеня 2008 году Жулі перайшоў у «Пары Сэн-Жэрмэн» за 2,5 мільёнаў эўра.

9 жніўня 2011 году Людавік падпісаў кантракт з клюбам «Манака» тэрмінам на 2 гады[2]. 1 жніўня 2012 году Жулі й «Манака» скасавалі кантракт па ўзаемнай згодзе, і Людовік падпісаў пагадненьне з клюбам «Ляр’ен», разлічанае на адзін год.

Міжнародная рэдагаваць

Жулі згуляў 17 матчаў за зборную Францыі, але спачатку ён прапусьціў Эўра-2004 з-за траўмы, а затым Чэмпіянат сьвету 2006 году, паколькі малады плэймейкер «Марсэлю» Франк Рыбэры не пакінуў для Жулі месца ў складзе. Пасьля траўмы Джыбрыля Сысэ напярэдадні турніру для Жулі ізноў зьявілася надзея, але трэнэр зборнай упадабаў яму Сыднэя Гаву. Адзіны для Людовіка посьпех у зборнай — перамога на Кубку Канфэдэрацыяў у 2003 годзе.

Крыніцы рэдагаваць

  1. ^ Acquisizione del diritto alle prestazioni sportive del calciatore Ludovic Giuly.  (італ.) Афіцыйная старонка АС Рома
  2. ^ Ludovic Giuly nouvelle recrue!. Site officiel de l'AS Monaco FC

Вонкавыя спасылкі рэдагаваць