Латыф Гандзілаў

Латыф Сэйфадын аглы Гандзілаў (па-азэрбайджанску: Lətif Seyfəddin oğlu Qəndilov; нар. 31 жніўня 1957, Баку, Азэрбайджанская ССР) — азэрбайджанскі палітычны дзяяч. Надзвычайны і Паўнамоцны Амбасадар Азэрбайджанскай Рэспублікі ў Кыргыстане.

Латыф Гандзілаў
Lətif Qəndilov
Амбасадар Азэрбайджану ў Кыргыстане
6 кастрычніка 2021 — цяперашні час
Амбасадар Азэрбайджану ў Беларусі
22 сьнежня 2016 — 16 ліпеня 2021
Амбасадар Азэрбайджану ў Кітаі
2011 — 2016
Амбасадар Азэрбайджану ў Казахстане
2004 — 2010
Асабістыя зьвесткі
Нарадзіўся:	31 жніўня 1957 Баку
Дзеці:	4
Бацька:	Сейфадзін Гандзілаў[d]
Адукацыя:	Азэрбайджанскі інстытут народнай гаспадаркі
Узнагароды:
Латыф Гандзілаў у Вікісховішчы

Жыцьцяпіс

Скончыў Азэрбайджанскі інстытут народнай гаспадаркі (1974—1978), асьпірантуру (1980—1983). Кандыдат эканамічных навук (1984).

Служыў у Савецкай арміі (1978—1980).

1983—1986 — старшы навуковы супрацоўнік Навукова-дасьледчай лябараторыі комплексных праблемаў (Баку). 1986—1995 — дацэнт катэдры эканамічнай тэорыі Азэрбайджанскага тэхнічнага ўнівэрсытэту.

З 1995 — у Міністэрстве замежных справаў; сакратар, першы сакратар. З 2001 — першы сакратар, дарадца амбасады Азэрбайджану ў Турэччыне. У 2004—2010 — амбасадар Азэрбайджану ў Казахстане, дуаен (2008—2010).

У 2010—2011 — кіраўнік управы Агульнага сакратарыяту Міністэрства замежных справаў. 2011—2016 — амбасадар Азэрбайджану ў Кітаі, па сумяшчальніцтве ў КНДР, Віетнаме і Манголіі.

Са сьнежня 2016 да ліпеня 2021 року — Надзвычайны і Паўнамоцны Амбасадар Азэрбайджану ў Беларусі.

Прэміі і ўзнагароды

• Ганаровы доктар Казаскага ўнівэрсытэту эканомікі, фінансаў і міжнароднага гандлю(en) (2009)
• Казахстанскі ордэн Дружбы (2010)
• Ганаровы доктар Пэкінскага ўнівэрсытэту моваў(zh) (2016)

Сям’я

З жонкай Наіляй маюць чатырох дзяцей.

Вонкавыя спасылкі

• Профіль  (рас.) на бачыне амбасады Азэрбайджану ў Беларусі