ЛДПСС
|
|
У гэтым артыкуле няма спасылак на крыніцы інфармацыі. |
|---|
Лібэра́льна-дэмакраты́чная па́ртыя Саве́цкага Саю́зу (ЛДПСС; па-расейску: Либерально-демократическая партия Советского Союза) — партыя ў СССР. Створана ў сьнежні 1989 году, як другая на той момант, пасьля Дэмакратычнага саюза, апазыцыйная КПСС партыя. Паколькі юрыдычна забарона на шматпартыйнасьць ў СССР была зьнята толькі ў сакавіку наступнага, 1990-га году, можна сказаць, што першыя месяцы партыя існавала незаконна.
| Лібэральна-дэмакратычная партыя Савецкага Саюзу | |
| рас. Либерально-демократическая партия Советского Союза | |
 | |
| Лідэр партыі | Уладзімер Жырыноўскі |
|---|---|
| Заснавальнік | Vladimir Bogachyov[d] і Уладзімер Жырыноўскі |
| Дата заснаваньня | 14 сьнежня 1989 (34 гады таму) |
| Штаб-кватэра | Расея, Масква, Лукаў завулак, д. 9, к. 1 |
| Ідэалёгія | нацыяналізм, папулізм |
| Колькасьць | 3000 (1989) |
Мінулае рэдагаваць
12 красавіка 1990 году грамада была зарэгістраваная Міністэрствам юстыцыі СССР як ЛДПСС (Лібэральна-дэмакратычная партыя Савецкага Саюзу). На пачатак 1990 году ў грамадзе было 13 чалавек. Нягледзячы на настолькі малую колькасьць, грамада атрымала шырокую вядомасьць ў савецкай і камуністычнай прэсе. Аб стварэньні грамады было абвешчана па савецкім радыё ў першых днях сакавіка 1990 году, адразу ж пасьля аб’явы аб абраньні М. С. Гарбачова на пасаду Прэзыдэнта СССР. Жырыноўскі даў інтэрвію шэрагу партыйных выданьняў, правёў некалькі прэс-канфэрэнцыяў у прэс-цэнтры ЦК КПСС. 6 кастрычніка 1990 году па ініцыятыве сяброў грамады ў Маскве адбыўся II надзвычайны зьезд Лібэральна-дэмакратычнай партыі Савецкага Саюзу (ЛДПСС). На ім выключылі з грамады ейнага пана Ўладзімера Жырыноўскага за магчымае супрацоўніцтва з КДБ. Неўзабаве пасьля завяршэньня зьезда рушылі ўсьлед заявы аб яго неправамоцнасьці. 8 кастрычніка праціўнікі Жырыноўскага былі выключаны з грамады Жырыноўскім.
Роспуск грамады рэдагаваць
18–19 красавіка 1992 году ў Маскве прайшоў III зьезд ЛДП, на якім прысутнічала, паводле афіцыйных зьвестак, 627 паслоў з 43 часткаў. Партыя была перайменавана ў Лібэральна-дэмакратычную партыю Расеі (ЛДПР). Старшынём грамады зноў быў абраны У. Жырыноўскі, яго намесьнікам — Ахмет Халітаў.
10 жніўня 1992 году Міністэрства юстыцыі Расейскай Фэдэрацыі анулявала рэгістрацыю ЛДПСС, паколькі яна была праведзена «з грубымі парушэньнямі заканадаўства, паводле фальсыфікаваных дакумэнтаў». Як высьветлілася, пры рэгістрацыі партыі быў прадстаўлены сьпіс з 146 сяброў партыі (па законе ў партыі саюзнага ўзроўню павінна было лічыцца ня менш за 5 тысячаў чалавек).