Куяба

Куяба́ (па-партугальску: Cuiabá) — горад у Бразыліі, сталіца штату Мату-Гросу.

Куяба
парт. Cuiabá
Герб Куябы Сьцяг Куябы
Дата заснаваньня:	8 красавіка 1719
Краіна:	Бразылія
Штат:	Мату-Гросу
Плошча:	3495,424 км²
Вышыня:	165 м н. у. м.
Насельніцтва:	▲650 877 чал. (2022)
Тэлефонны код:	65
Паштовы індэкс:	78000-000
Геаграфічныя каардынаты:	15°35′45″ пд. ш. 56°5′49″ з. д.
Куяба на мапе Бразыліі Куяба
Галерэя здымкаў у Вікісховішчы
http://www.cuiaba.mt.gov.br/

Гісторыя

Першымі белымі, якія дасьледвалі тэрыторыю, дзе сёньня знаходзіцца Куяба, сталі ў 1673 годзе бандэйранты з Сан-Паўлу. У 1682 годзе адзін зь іх, Мануэл дзі Кампуш, заснаваў першае ў рэгіёне партугальскае паселішча Сан-Гансалу, але празь некалькі гадоў яно было закінута.

У 1718 годзе атрад бандэйрантаў пад правадырствам ураджэнца Саракабы Паскала Марэйры Кабрала, адыходзячы пасьля няўдалай сутычкі зь індзейцамі, выявіў на водмелях ракі золата. Бандэйранты арганізавалі на месцы знаходкі лягер і прыступілі да здабычы каштоўнага мэталу. Вестка пра знаходку хутка распаўсюдзілася па партугальскім валадарствам у Паўднёвай Амэрыцы, і ў пасёлак сталі сьцякацца асобы, якія жадалі атрымаць багацьце са здабычы золата. Выяўленьне новага, яшчэ больш багатага радовішча ў 1722 годзе паскорыла рост паселішча.

Да сярэдзіны XVIII стагодзьдзя залатыя радовішча высіліліся, што выклікала адток насельніцтва. Землятрус 1746 году прычыніў моцныя разбурэньні, што ўзмацніла заняпад. Жорсткая і кровапралітная Парагвайская вайна толькі паспрыяла разьвіцьцю гораду, які стаў адной з асноўных тылавых базаў бразыльскіх войскаў. Аднак пасьля вайны эканамічная актыўнасьць паменшылася. Чарговы пэрыяд уздыму пачаўся ў канцы 1930-х, калі аўтамабільныя дарогі і авіяцыя зьвязалі горад з астатняй краінай.

Эканоміка

Галоўнымі галінамі гарадзкой эканомікі зьяўляюцца:

• прамысловасьць (у асноўным харчовая)
• дробны гандаль
• сфэра паслугаў
• турызм

Гарады-сябры

• Кызыл, Расея

Вонкавыя спасылкі

• Афіцыйны сайт