Кругавец

Кругаве́ц — вёска ў Беларусі, на рацэ Рудзенка. Уваходзіць у склад Пірэвіцкага сельсавету Жлобінскага раёну Гомельскай вобласьці. Насельніцтва 249 чал. (2004). Знаходзіцца за 31 км на паўднёвы ўсход ад места Жлобін, за 4 км ад чыгуначнай станцыі Салтанаўка (лінія Жлобін — Гомель), за 62 км ад Гомелю.

Кругавец
Першыя згадкі:	XIX ст.
Вобласьць:	Гомельская
Раён:	Жлобінскі
Сельсавет:	Пірэвіцкі
Насельніцтва:	249 чал. (2004)
Часавы пас:	UTC+3
Геаграфічныя каардынаты:	52°46′48″ пн. ш. 30°18′27″ у. д.
Кругавец на мапе Беларусі Кругавец

Гісторыя

Паводле пісьмовых крыніцаў вядомая з XIX стагодзьдзя як вёска ў Стараруднянскай воласьці Рагачоўскага павету Магілёўскай губэрні. Паводле перапісу 1897 году знаходзіліся 3 ветракі. У 1909 годзе 1318 дзесяцін зямлі. У 1911 годзе ў наёмнай хаце была адкрытая школа.

У 1926 годзе заснаваная масласыраварная талака. У 1930 годзе арганізаваны калгасы імя С. М. Будзёнага і «Ленінец», працавалі цагельня, 2 кузьні, торфаздабыўная талака (50 працоўных). 66 жыхароў загінулі на франтах Вялікай Айчыннай вайны. Кароткі час у чэрвені 1944 году ў вёсцы разьмяшчаўся палявы шпіталь савецкіх войскаў. Паводле перапісу 1959 году ў складзе саўгаса «Пірэвіцкі» (цэнтар — вёска Пірэвічы).

Насельніцтва

• XIX стагодзьдзе: 1897 — 64 двары, 482 жыхары (паводле перапісу)
• XX стагодзьдзе: 1925 — 156 двароў; 1959 — 732 жыхары (паводле перапісу)
• XXI стагодзьдзе: 2004 — 124 гаспадаркі, 249 жыхароў

Літаратура

• Гарады і вёскі Беларусі: Энцыклапедыя. Т. 1, кн. 1. Гомельская вобласць / С.В. Марцэлеў; рэдкал.: Г.П. Пашкоў (гал. рэд.) [і інш.]. — Менск: БелЭн, 2004. — 632 с.: іл. ISBN 985-11-0303-9.