Кашубінцы (вёска)
Кашу́бінцы[1] — вёска ў Гарадзенскім раёне Гарадзенскай вобласьці. Кашубінцы ўваходзяць у склад Скідзельскага сельсавету.
| Кашубінцы | |
| трансьліт. Kašubincy | |
.jpg)
| |
| Краіна: | Беларусь |
| Вобласьць: | Гарадзенская |
| Раён: | Гарадзенскі |
| Сельсавет: | Скідзельскі |
| Насельніцтва: | 18 чал. (2010) |
| Часавы пас: | UTC+3 |
| Тэлефонны код: | +375 152 |
| СААТА: | 4220885076 |
| Нумарны знак: | 4 |
| Геаграфічныя каардынаты: | 53°37′57.7″ пн. ш. 24°14′2.7″ у. д. / 53.632694° пн. ш. 24.234083° у. д.Каардынаты: 53°37′57.7″ пн. ш. 24°14′2.7″ у. д. / 53.632694° пн. ш. 24.234083° у. д. |
Кашубінцы на мапе Беларусі ±   Кашубінцы | |
 Галерэя здымкаў у Вікісховішчы
| |
Гісторыя
рэдагавацьУ вёсцы захавалася драўляная сядзіба, якая была часткай маёнтку. Маёнтак у 18 стагодзьдзі належаў езуітам, потым Храбтовічам і Данкевічам. Блаўдзевічамі каля 1870 году ў вернутым пасьля канфіскацыі за ўдзел ў паўстаньні маёнтку была збудаваная драўляная сядзіба з чатырохслуповым ганкам і з гаспадарчымі пабудовамі — тыповы выгляд сярэднепамеснай шляхецкай сядзібы таго часу. Вакол быў закладзены пэйзажны парк, у якім знаходзілася «зялёная альтанка» ў выглядзе пасаджаных па квадраце старых ліпаў з пакладзенай у цэнтры яшчэ ў часы езуітаў мэмарыяльнай плітой.
Сёньня ў сядзібе жывуць некалькі сем’яў. Будынак пакуль знаходзіцца ў досыць неблагім выглядзе. Захаваліся ліпавыя і дубовыя алеі і ставы, хоць і занядбаным стане, але амаль непарушаныя.
Драўляны барочны касьцёл Беззаганнага Зачацця Найсвяцейшай Панны Марыі быў збудаваны місіяй езуітаў у сярэдзіне 18 ст. Касьцёл знаходзіцца фактычна сярод мора праваслаўных вёсак даліны ракі Котры; найбліжэйшыя каталіцкія аколіцы Абуховічы, Талочкі ляжаць за некалькі кілямэтраў на захад. На паўднёвай сьцяне касьцёла можна пабачыць рэшткі сонечнага гадзіньніка.[2] Навокал касьцёла могілкі. Адным з найбольш цікавых пахаваньняў зьяўляецца склеп сям’і Выганоўскіх.
Некалькі дзясяткаў мэтраў ад касьцёла стаіць выкладзеная недзе на мяжы 19—20 ст. з чырвонай цэглы плябанія. Дакладны год збудаваньня цяжка адразу высьветліць — лічбы на франтоне пазьбіваныя.
Насельніцтва
рэдагаваць- 2010 год — 18 чалавек
- 1999 год — 45 чалавек
Крыніцы
рэдагаваць- ^ Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9. (pdf) С. 184
- ^ Далінай Котры і азёрамі гарадзенскай пушчы