Касьцёл Унебаўзяцьця Найсьвяцейшай Панны Марыі (Дзярэчын)

Помнік сакральнай архітэктуры
Касьцёл Унебаўзяцьця Найсьвяцейшай Панны Марыі
Касьцёл Унебаўзяцьця Найсьвяцейшай Панны Марыі
Краіна	Беларусь
Вёска	Дзярэчын
Каардынаты	53°14′56.20″ пн. ш. 24°55′23.60″ у. д.
Канфэсія	каталіцтва
Эпархія	Гарадзенская дыяцэзія
Архітэктурны стыль	нэаготыка
Будаваньне	1910—1913 гады
Касьцёл Унебаўзяцьця Найсьвяцейшай Панны Марыі на мапе Беларусі Касьцёл Унебаўзяцьця Найсьвяцейшай Панны Марыі
Касьцёл Унебаўзяцьця Найсьвяцейшай Панны Марыі на Вікісховішчы

Касьцёл Унебаўзяцьця Найсьвяцейшай Панны Марыі — помнік архітэктуры пачатку XX ст. у Дзярэчыне. Знаходзіцца ў заходняй частцы колішняга мястэчка, каля могілак. Дзейнічае. Твор архітэктуры нэаготыкі.

Гісторыя

Новы мураваны касьцёл у Дзярэчыне збудавалі ў 1910—1913 гадох.

У 1951 годзе савецкія ўлады зачынілі касьцёл, будынак якога перарабілі пад краму, а неўзабаве, увогуле, занядбалі.

У 1990-я гады касьцёл вярнулі каталікам, у 1991—1993 гадох праводзіліся рэстаўрацыйныя працы. 14 жніўня 1993 году біскуп Аляксандар Кашкевіч урачыста асьвяціў адноўлены касьцёл. У 1995 годзе на званіцы касьцёла навесілі звон, адліты ў 1717 годзе.

Архітэктура

Помнік архітэктуры нэаготыкі. Гэта 1-вежавая 1-нэфавая базыліка з 5-граннай апсыдай і бакавымі закрысьціямі, узьнятая на цокаль з вапняковых блёкаў. Вэртыкальнай дамінантай выступае 8-гранная вежа-званіца зь сьпічастым шпілем. Абапал ступенчатага франтона фасаду фіялы. Над уваходным стральчатым парталам зь вімпэргам разьмяшчаецца акно-ружа. Стральчатымі парталамі афармляюцца і два бакавыя ўваходы. Бакавыя сьцены падзяляюцца вялікімі стральчатымі аконнымі праёмамі з ажурнымі кратамі і каляровымі вітражамі, умацоўваюцца ў прасьценках ступенчатымі контрфорсамі. Пэрымэтрам праходзіць карніз з сухарыкамі, выкарыстоўваюцца ажурныя фрызы. Сьцяна нэфа над апсыдай завяршаецца 2-гранным шчыпцом з шэрагам фіялаў. Мастацка-эстэтычны эфэкт дасягаецца высакаякаснай цаглянай муроўкай.

Унутраная прастора перакрываецца зоркавым скляпеньнем, высокай стральчатай аркай, у якую адкрываецца апсыда. Над крыжовымі скляпеньнямі нартэкса месьцяцца хоры.

Галерэя

Гістарычная графіка

• Старая графіка
• 
  В. Міхневіч, 1908 г.
• 
  В. Міхневіч, 1908 г.
• 
  В. Міхневіч, 1912 г.

Гістарычныя здымкі

• Старыя здымкі
• 
  1914 г.
• 
  1920-я гг.
• 
  да 1939 г.
• 
  З боку кляштару, да 1939 г.

Сучасныя здымкі

• Сучасны стан
• 
  Агульны выгляд
• 
  З боку апсыды
• 
  Бакавы фасад
• 
  Вежа

Літаратура

• Кулагін А. Каталіцкія храмы Беларусі: Энцыкл. даведнік / А. Кулагін; фатограф А. Дыбоўскі. — 2-е выд. — Менск: БелЭн, 2008. — 488 с.: іл. ISBN 978-985-11-0395-5.

Вонкавыя спасылкі

• Касьцёл Унебаўзяцьця Найсьвяцейшай Панны Марыі ў Дзярэчыне, Radzima.org