Капліца (Сакалова)
| Помнік сакральнай архітэктуры | |
Капліца
| |
 Капліца
| |
| Краіна | Беларусь |
| Вёска | Сакалова |
| Каардынаты | 52°32′30.47″ пн. ш. 25°04′22.41″ у. д. / 52.5417972° пн. ш. 25.0728917° у. д.Каардынаты: 52°32′30.47″ пн. ш. 25°04′22.41″ у. д. / 52.5417972° пн. ш. 25.0728917° у. д. |
| Канфэсія | Беларускі экзархат |
| Эпархія | Берасьцейская і Кобрынская япархія |
| Статус | Дзяржаўны сьпіс гісторыка-культурных каштоўнасьцяў Рэспублікі Беларусь |
Капліца на мапе Беларусі   Капліца | |
 Капліца на Вікісховішчы
| |
Капліца — помнік архітэктуры XIX стагодзьдзя ў Сакалове. Знаходзіцца ў цэнтры колішняга мястэчка[a]. У другой палове XIX ст. улады Расейскай імпэрыі гвалтоўна перарабілі каталіцкую капліцу пад царкву Маскоўскага патрыярхату. Твор традыцыйнай беларускай драўлянай архітэктуры. Аб’ект Дзяржаўнага сьпісу гістарычна-культурных каштоўнасьцяў Беларусі.
У наш час у будынку капліцы дзее царква Сьвятога Яна Прадцечы Беларускага экзархату Маскоўскага патрыярхату.
Гісторыя
рэдагавацьДраўляную могілкавую капліцу ў Сакалове збудавалі ў 1820 годзе. Па здушэньні нацыянальна-вызвольнага паўстаньня (1863—1864) у 1864 годзе расейскія ўлады гвалтоўна перадалі капліцу Ўрадаваму сыноду Расейскай імпэрыі (Маскоўскай царкве).
Архітэктура
рэдагавацьПомнік традыцыйнай беларускай драўлянай архітэктуры. Гэта 1-зрубны аб’ём пад 2-схільным дахах з вальмай над алтарнай сьцяной. У агульнай кампазыцыі вылучаецца нетрадыцыйна асымэтрычна разьмешчаная ва ўсходняй алтарнай сьцяне нізкая рызьніца пад вальмавым дахам. Дах над галоўным фасадам праразаецца 8-гранным барабанам з шатровым верхам і купалам-баняй у завяршэньні, над алтарнай часткай — барабан з купалам. Вэртыкальна ашаляваныя фасады рытмічна падзяляюцца прастакутнымі аконнымі праёмамі ў разных ліштвах і вэртыкальнымі сьцяжкамі ў прасьценках. Рытм галоўнага фасаду ствараюць трыкутныя франтоны галоўнага аб’ёму і прастакутнага ў пляне прытвора.
У інтэр’еры алтарная частка вылучаецца драўляным іканастасам, выкананым у 1865 годзе. Захоўваюцца абразы XVIII—XIX стагодзьдзяў: «Сьвяты Юры», «Маці Божая Адзігітрыя», «Укрыжаваньне з прадстаячымі», «Ісус Хрыстос», «Арханёл Міхал», «Аляксандар Неўскі», «Таемная вячэра», «Маці Божая Знаменьне», абраз-таблетка «Маці Божая Адзігітрыя і Мікалай Цудатворца»[1].
Заўвагі
рэдагаваць- ^ Афіцыйны адрас — вуліца Савецкая, 26А
Крыніцы
рэдагаваць- ^ Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.
Літаратура
рэдагаваць- Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.