Дзьмітры Круты
Дзьмі́тры Мікала́евіч Круты́ (10 студзеня 1981, Бялынічы) — беларускі дзяржаўны дзеяч. Міністар эканомікі Беларусі (2018—2019 гг). З 29 лістапада 2019 году — першы намесьнік прэмʼер-міністра.
| Зьміцер Круты | |
| Першы намесьнік прэм'ер-міністра | |
|---|---|
| 21 лістапада 2019 — 1 жніўня 2022 | |
| Прэзыдэнт: | Аляксандар Лукашэнка |
| Прэм’ер-міністар: | Сяргей Румас |
| Папярэднік: | Аляксандар Турчын |
| Наступнік: | Максім Ермаловіч |
| Міністар эканомікі | |
| 18 жніўня 2018 — 21 лістапада 2019 | |
| Папярэднік: | Уладзімер Зіноўскі |
| Наступнік: | Аляксандар Чарвякоў |
| Першы намесьнік Міністра эканомікі Рэспублікі Беларусь | |
| 27 студзеня 2017 — 18 жніўня 2018 | |
| Намесьнік Міністра эканомікі Рэспублікі Беларусь | |
| 2014 — 2017 | |
| Асабістыя зьвесткі | |
| Нарадзіўся: |
10 студзеня 1981 (42 гады) Бялынічы |
| Адукацыя: | Беларускі дзяржаўны тэхналягічны ўнівэрсытэт, Акадэмія кіраваньня пры Савеце міністраў Рэспублікі Беларусь |
Жыцьцяпіс рэдагаваць
У 1998—2003 гадах вучыўся ў Беларускім дзяржаўным тэхналягічным унівэрсытэце. Са жніўня па кастрычнік 2003 году інжынэр катэдры эканомікі і кіраваньня на прадпрыемствах хіміка-ляснога комплексу Беларускага дзяржаўнага тэхналягічнага ўнівэрсытэту. У 2004 годзе скончыў асьпірантуру БДТУ.
У 2004—2006 гадах вядучы, галоўны эканаміст сэктару арганізацыі аплаты працы і цэнаўтварэньня ўпраўленьня эканомікі і інвэстыцый Міністэрства лясной гаспадаркі Рэспублікі Беларусь. У 2006—2010 гадах намесьнік начальніка ўпраўленьня ляснога комплексу галоўнага ўпраўленьня аграпрамысловага і лясной комплексаў Міністэрства эканомікі Рэспублікі Беларусь.
У 2010 годзе скончыў Акадэмію кіраваньня пры прэзыдэнце Рэспублікі Беларусь.
У 2010—2014 гадах намесьнік начальніка галоўнага ўпраўленьня аграпрамысловага і ляснога комплексаў — начальнік упраўленьня ляснога комплексу Міністэрства эканомікі Рэспублікі Беларусь. У 2014—2017 гадах намесьнік Міністра эканомікі Рэспублікі Беларусь
З 27 студзеня 2017 г. — Першы намесьнік Міністра эканомікі Рэспублікі Беларусь. 18 жніўня 2018 году прызначаны Міністрам эканомікі Беларусі[1][2].
29 лістапада 2019 прызначаны першым намесьнікам прэм’ер-міністра[3].
31 жніўня 2020 году Крутой быў уключаны ў сьпіс асобаў, на якіх накладзена бестэрміновая забарона на ўезд у Латвію, пяцігадовая забарона на ўезд у Эстонію і забарона на ўезд у Летуву[4].
1 жніўня 2022 году прызначаны Надзвычайным і Паўнамоцным Паслом Беларусі у Расейскай Фэдэрацыі[5].
Сям’я рэдагаваць
Жанаты. Мае дваіх дзяцей.
Крыніцы рэдагаваць
- ^ Лукашенко сменил руководство правительства. Новым премьером назначен Румас, обновились все вице-премьеры, Intex-press, 18-08-2018
- ^ Румас стаў прэм’ер-міністрам, абнавіліся чатыры віцэ-прэм’еры
- ^ Турчын прызначаны кіраўніком Менскай вобласьці Радыё Свабода Праверана 2021-09-06 г.
- ^ Латвія, Літва і Эстонія ўключылі Лукашэнку і яшчэ 29 чыноўнікаў ў спіс пэрсон нон-грата. ПОЎНЫ СЬПІС Радыё Свабода Праверана 2021-09-06 г.
- ^ У Беларусі новы міністр, пасол у РФ і намеснік кіраўніка Адміністрацыі прэзідэнта. Якія яшчэ прызначэнні падпісаў Лукашенка, intex-press.by, 1-08-2022