Заберазь
Заберазь — вёска ў Беларусі. Уваходзіць у склад Бакштаўскага сельсавету Івейскага раёну Гарадзенскай вобласьці.
| Заберазь | |
| Вобласьць: | Гарадзенская |
| Раён: | Івейскі |
| Сельсавет: | Бакштаўскі |
| Насельніцтва: | 314 (1999) |
| Колькасьць двароў: | 165 |
| Тэлефонны код: | +375 1595 |
| Паштовы індэкс: | 231362 |
| Геаграфічныя каардынаты: | 53°56′19.1″ пн. ш. 26°11′27.1″ у. д. / 53.938639° пн. ш. 26.190861° у. д.Каардынаты: 53°56′19.1″ пн. ш. 26°11′27.1″ у. д. / 53.938639° пн. ш. 26.190861° у. д. |
Заберазь на мапе Беларусі   Заберазь | |
Гісторыя
рэдагавацьУ XVII—XVIII стст. вёска ў Ашмянскім павеце Віленскага ваяводзтва.
3 1795 г. у складзе Расейскай імпэрыі. У сярэдзіне XIX ст. у Бакштаўскай воласьці Ашмянскага павету Віленскай губэрні, адносілася да Бакштаўскага казённага таварыства, дзяржаўная ўласнасьць. У 1861 г. 330 рэвіскіх душ. Паводле перапісу 1897 г., 157 двароў, 1221 жыхар, дзейнічалі царква, жаночая царкоўна-прыходзкая школа, карчма. Акрамя земляробства жыхары займаліся сплавам лесу па рэках Бярэзіна і Іслач. У 1905 г. 1102 жыхары, 1022 дзесяціны зямлі, у 1909 г. 205 двароў, 1491 жыхар.
У 1-ю сусьветную вайну вёска знаходзілася ў прыфрантавой зоне. Часткова была спаленая.
3 1921 г. вёска (39 жылых дамоў, 93 гаспадарчыя пабудовы былі часова прыстасаваны пад жыльлё, 689 жыхароў) у Бакштаўскай гміне Валожынскага павету Наваградзкага ваяводзтва Польшчы.
3 12 кастрычніка 1940 г. вёска (242 двары, 1200 жыхароў), цэнтар Забераскага сельсавету Юрацішкаўскага раёну. Дзейнічалі пачатковая школа, крама.
Зь ліпеня 1943 г. да ліпеня 1944 г. у вёсцы базаваўся Юрацішкаўскі падпольны РК КП(б)Б. У 1979 г. на доме, дзе ён знаходзіўся, устаноўлена мэмарыяльная дошка.
У 1949 г. у вёсцы створаны калгас «Бальшавік». 3 16 ліпеня 1954 г. у Бакштаўскім сельсавеце, з 20 студзеня 1960 г. у Івейскім раёне. У 1970 г. 840 жыхароў, у 1986 г. 217 двароў, 495 жыхароў. Пасьля ў складзе калгасу імя У. І. Ульянава. Працавала бібліятэка, крама.
Насельніцтва
рэдагаваць- 1999 — 165 двароў, 314 жыхароў.
Інфармацыя для турыстаў
рэдагаваць- На доме дзе базаваўся Юрацішкаўскі падпольны РК КП(б)Б у 1979 годзе ўсталявана мэмарыяльная шыльда.
Славутыя землякі
рэдагаваць- Мікалай Шыла (1888—1948) — беларускі грамадзка-палітычны дзяяч, журналіст. Сябра Рады БНР (1918).