Жаночая зборная Баўгарыі па валейболе
Жаночая зборная Баўгарыі па валейболе — нацыянальная каманда, якая прадстаўляе Баўгарыю на міжнародных валейбольных турнірах. Кіруецца Баўгарскай фэдэрацыі валейболу.
| Жаночая зборная Баўгарыі па валейболе | |||
 | |||
| Фэдэрацыя | Баўгарская фэдэрацыя валейболу | ||
|---|---|---|---|
| Канфэдэрацыя | Эўрапейская канфэдэрацыя валейболу | ||
| Рэйтынг МФВ | 20 | ||
| Колеры | зялёны, чырвоны | ||
| Форма | |||
| |||
| Апошняе абнаўленьне | 30 жніўня 2024 году | ||
Гісторыя
рэдагавацьПершае зьяўленьне жаночай зборнай Баўгарыі на міжнароднай арэне адносіцца да верасьня 1946 году, калі яна ўзяла удзел у чэмпіянаце Балканскіх краінаў па валейболе, які праводзіўся ў сталіцы Румыніі Бухарэсьце. У гэтым турніры баўгарскія валейбалісткі занялі трэці радок, прайграўшы зборным Югаславіі і Румыніі і здабыўшы перамогу над зборнай Альбаніяй. Дэбют зборнай Баўгарыі ў афіцыйных міжнародных спаборніцтвах пад эгідай Міжнароднай фэдэрацыі валейболу адбыўся ў кастрычніку 1950 году на хатнім чэмпіянаце Эўропы. У матчы адкрыцьця каманда гаспадынь спаборніцтваў саступіла зборнай Польшчы зь лікам 0:3. Затым баўгаркі перамаглі зборныя Румыніі і Вугоршчыны, але зазнала паразы ад зборных Чэхаславаччыны і СССР, заняўшы выніковае 4-е месца. Праз два гады зборная Баўгарыі была сярод удзельніцаў першага жаночага чэмпіянату сьвету, які ладзіўся ў Маскве, і таксама стала чацьвертай.
У 1950-я — 1970-я гады жаночая нацыянальная каманда Баўгарыі была адной з наймацнейшых зборных Эўропы, але цягам амаль 30 гадоў на пяршынствах кантынэнту ёй кожным разам не хапала зусім крыху ад прызавых месцаў. Тое самае рабілася на чэмпіянатах сьвету, куды часам трапляла зборная Баўгарыі. Прарыў у выніках баўгарскага жаночага валейболу павязаны з трэнэрам Васілам Сімавым, які ачольваў зборную ў 1978—1981 гадах. У 1979 баўгарскія спартоўкі ўпершыню сталі бронзавымі прызэрамі чэмпіянату Эўропы, а праз год здабылі мэдалі такой жа якасьці на летніх Алімпійскіх гульнях, аднак туды яны трапілі толькі дзякуючы адмове ад удзелу зборных Японіі, ЗША і Кітаю. На хатнім чэмпіянаце Эўропы 1981 году зборная Баўгарыі здабылі сем перамогаў у сямі матчах, а ў фінальным матчы перагулялі зь лікам 3:0 зборную СССР.
Пазьней вынікі жаночай нацыянальнай каманды пагоршыліся. Адбіўся пры гэтым і балючы працэс зьмены пакаленьняў, які пачаўся ў жаночай зборнай краіны. Толькі ў верасьні 2001 году зборная зноў здолела узьняцца на п’едэстал гонару чэмпіянату Эўропы, які праз 20 гадоў зноў ладзіля ў сябе Баўгарыя. У наступных гадах зборная Баўгарыі за выключэньнем Эўралігі ня мела аніякіх адчувальных посьпехаў на міжнароднай арэне.