Летнія Алімпійскія гульні 1980 году

	XXII летнія Алімпійскія гульні
Горад-арганізатар	Масква, СССР
Краіны-ўдзельніцы	80
Колькасьць атлетаў	5179
Узнагароды	203
Цырымонія адкрыцьця	19 ліпеня
Цырымонія закрыцьця	3 жніўня
Афіцыйна адкрыў	Леанід Брэжнеў
Алімпійскі агонь	Сяргей Бялоў
Алімпійская клятва атлетаў	Мікалай Андрыянаў
Алімпійская клятва судзьдзяў	Аляксандар Мядзьведзь
Стадыён	Лужнікі

Летнія Алімпійскія гульні 1980 году (па-ангельску: 1980 Summer Olympics), афіцыйна вядомыя як Гульні XXII Алімпіяды, праходзілі ў СССР, з 19 ліпеня па 3 жніўня 1980 году. Большасьць спаборніцтваў прайшлі ў Маскве. Частка мерапрыемстваў праводзіліся ў Таліне, Санкт-Пецярбургу, Менску ды Кіеве. Адкрываў гульні лідэр краіны Леанід Брэжнеў. У 203 спаборніцтвах алімпіяды спаборнічалі 5179 атлетаў, у тым ліку 1115 жанчын і 4064 мужчыны. 67 краінаў байкатавалі Алімпійскія гульні ў Маскве па прапанове ЗША, каб зрабіць уціск на СССР з-за ўводу ягоных войскаў на тэрыторыю Аўганістану. Такім чынам, у гэтых Алімпійскіх гульнях прынялі ўдзел атлеты з 80 краінаў (найменшы лік з 1956 году). Урады некаторых краінаў, напрыклад Вялікабрытаніі і Аўстраліі, нягледзячы на падтрымку байкоту, дазволілі сваім спартоўцам вырашаць самастойна, ці ехаць у Маскву. Савецкі гімнаст Аляксандар Дзіцяцін заваяваў мэдалі ва ўсіх спаборніцтвах па гімнастыцы і стаў першым спартоўцам, які заваяваў восем мэдалёў на адных Алімпійскіх гульнях. Беларускі спартовец-байдарачнік Уладзімер Парфяновіч заваяваў на Алімпійскіх Гульнях тры залатыя мэдалі.

Кандыдаты

Масква, СССР — першае месца
Лос-Анджэлес, ЗША — другое месца

Вонкавыя спасылкі

Летнія Алімпійскія гульні 1980 году — сховішча мультымэдыйных матэрыялаў

Гэта — накід артыкула пра спорт. Вы можаце дапамагчы Вікіпэдыі, пашырыўшы яго.