Ершыцкі раён

Е́ршыцкі раён — адміністрацыйна-тэрытарыяльная адзінка ў паўднёвай частцы Смаленскай вобласьці Расеі. Адміністрацыйны цэнтар — сяло Ершычы.

Ершыцкі раён
Ершичский район
Агульныя зьвесткі
Краіна	Расея
Статус	раён
Уваходзіць у	Смаленскую вобласьць
Адміністрацыйны цэнтар	Ершычы
Дата ўтварэньня	1929
Насельніцтва (2008)	8052
Плошча	1039 км²
Месцазнаходжаньне Ершыцкага раёну
Мэдыя-зьвесткі
Часавы пас	UTC +4
Тэлефонны код	+7 48155
Код аўтам. нумароў	67
Афіцыйны сайт
Дадатковыя мультымэдыйныя матэрыялы

Геаграфія

Плошча раёну — 1039 км². Тэрытарыяльна раён мяжуе: з Шумяцкім раёнам на паўночным захадзе, Рослаўскім раёнам на паўночным усходзе, Бранскай вобласьцю на поўдні і ўсходзе і Беларусьсю на захадзе.

На тэрыторыі раёну знаходзіцца крайні паўднёвы пункт вобласьці — за 5 км на поўдзень ад вёскі Пятроўка Руханскага сельскага паселішча (53°24′49″ пн. ш. 32°47′06″ у. д.).

Гісторыя

Утвораны ў 1929 годзе на тэрыторыі часткі Рослаўскага павету Смаленскай губэрні. Расфармаваны ў 1932 годзе, тэрыторыя перададзеная Рослаўскаму і Клятнянскаму раёнам. Ізноў арганізаваны ў 1935 годзе. У 1963 годзе далучаны да Шумяцкага раёну. У існым выглядзе канчаткова створаны ў 1972 годзе.

Дэмаграфія

Колькасьць насельніцтва на 2008 год — 8052 чал.

Адміністрацыйна-тэрытарыяльны падзел

У раёне маецца 9 сельскіх паселішчаў:

Сельскія паселішчы

• Ершыцкае сельскае паселішча
• Бяседкаўскае сельскае паселішча
• Воргінскае сельскае паселішча
• Кузьміцкае сельскае паселішча
• Пасёлкаўскае сельскае паселішча
• Руханскае сельскае паселішча
• Сеньнянскае сельскае паселішча
• Сукрамлянскае сельскае паселішча
• Ягораўскае сельскае паселішча

Эканоміка

Найбольш значныя галіны прамысловай вытворчасьці — апрацоўка драўніны, вытворчасьць харчовых прадуктаў, тэкстыльная і швацкая вытворчасьць. Лідэр у апрацоўчай вытворчасьці — філія ТАА «Шклозавод Ворга».

Транспарт

Злучэньне з абласным цэнтрам ажыцьцяўляецца па аўтамагістралях праз м. Рослаў. Найбліжэйшая чыгуначная станцыя Понятоўка знаходзіцца за 25 км ад с. Ершычы на чыгуначнай лініі Масква — Магілёў.

Славутасьці

• Царква Нараджэньня Божай Маці ў в. Корсікі
• Царква Ўшэсьця Гасподняга ў в. Кузьмічы

Населеныя пункты

• Ліцьвінава Буда

Вонкавыя спасылкі

Ершыцкі раён — сховішча мультымэдыйных матэрыялаў

• Ершыцкі раён на Radzima.org