Дэлі Блінд
Дэлі Блінд (па-нідэрляндзку: Daley Blind; нар. 9 сакавіка 1990 году, Амстэрдам, Нідэрлянды) — нідэрляндзкі футбаліст, паўабаронца абарончага тыпу гішпанскага клюбу «Жырона» і нацыянальнай зборнай Нідэрляндаў. Сын футбаліста Дэні Блінда[2].
| Дэлі Блінд | ||
_%E2%80%94_%D0%BA%D0%BE%D0%BF%D0%B8%D1%8F.jpg)
| ||
| Пэрсанальная інфармацыя | ||
|---|---|---|
| Нарадзіўся | 9 сакавіка 1990[1] (34 гады) | |
| Рост | 180 см | |
| Вага | 72 кг | |
| Пазыцыя | скрайні абаронца, абаронца, паўабаронца | |
| Клюбная інфармацыя | ||
| Клюб | Жырона | |
| Нумар | 17 | |
| Клюбы | ||
| Гады | Клюб | Гульні (галы)¹ |
| 2009—2014 2010 2014—2018 2018—2023 2023 2023— |
Аякс → Гронінген (арэнда) Манчэстэр Юнайтэд Аякс Баварыя Жырона |
102 (3) 19 (0) 90 (4) 124 (7) 4 (0) 46 (1) |
| Зборныя | ||
| 2013— | Нідэрлянды | 108 (3) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьПачаў займацца футболам у акадэміі амстэрдамскага «Аяксу», клюб за які гуляў бацька Дэлі. Свой першы прафэсійны кантракт з клюбам падпісаў у 17 гадоў. 7 сьнежня 2008 году Дэлі дэбютаваў за клюб у матчы супраць «Валендаму». Празь некалькі дзён пасьля гэтага, падоўжыў кантракт з клюбам да 2013 году.
30 жніўня 2014 году «Манчэстэр Юнайтэд» на сваім сайце абвесьціў пра тое, што яны дасягнулі дамоўленасьці аб пераходзе гульца ў ангельскі клюб[3]. 1 верасьня 2014 году Дэлі афіцыйна стаў футбалістам манчэстэрскага клюбу, які выклаў за гульца 13,8 млн фунтаў[4]. Блінд дэбютаваў у складзе «чырвоных» праз 13 дзён пасьля складаньня кантракту, правёўшы 90 хвілінаў матчу супраць «Кўінз Парк Рэйнджарз» на Олд Трафард[5]. Свой першы гол забіў 20 кастрычніка, калі з далёкай дыстанцыі накіраваў мяч у браму «Ўэст Бромўіч Альбіёну» (2:2). На пачатку сэзону 2016—2017 гадоў Прэм’ер-лігі стаўся асноўным гульцом абароны разам з Крысам Смолінгам, аднак, па вяртаньні ў склад Філа Джонза і Маркаса Роха быў выціснуты з пачатковага адзінацаткі. У наступным навязаў канкурэнцыю леваму абаронцы Люку Шоў.
У ліпені 2018 году Блінд павярнуўся на радзіму, склаўшы чатырохгадовую дамову з «Аяксам», які выдаткаваў на набыцьцё паўабаронцы 16 млн эўра[6]. 16 сьнежня 2018 году футбаліст здабыў свой першы хет-трык у прафэсійнай кар’еры ў пераможным матчы супраць «Дэ Граафсхап», пры гэтым матч ён правёў на пазыцыі цэнтральнага абаронцы[7]. 27 сьнежня 2022 году па скасаваньні кантракту паміж гульцом і клюбам як вольны агент перайшоў да складу нямецкай «Баварыі»[8].
Дасягненьні
рэдагаваць«Аякс»:
- Чэмпіён Нідэрляндаў: 2011, 2012, 2013, 2014, 2019, 2021, 2022
- Уладальнік Кубка Нідэрляндаў: 2013, 2019, 2021
- Уладальнік Супэркубка Нідэрляндаў: 2013, 2019
«Манчэстэр Юнайтэд»:
- Уладальнік Кубка Ангельшчыны: 2016
- Уладальнік Кубка футбольнай лігі: 2017
- Уладальнік Супэркубка Ангельшчыны: 2016
- Пераможца Лігі Эўропы: 2017
«Баварыя»:
- Чэмпіён Нямеччыны: 2023
Крыніцы
рэдагаваць- ^ а б в Daley Blind // Transfermarkt (мн.) — 2000.
- ^ Ajax sign Daley Blind. Ajax.nl
- ^ «United agree deal for Blind». Manchester United.
- ^ «Daley Blind: Man Utd sign Dutch international for £13.8m». BBC Sport
- ^ «Man Utd 4—0 QPR». BBC Sport.
- ^ «Ajax rondt transfer Daley Blind af». AFC Ajax.
- ^ Netherton, Alexander (16.12.2018). «Football news — Ajax hit eight against De Graafschap». Eurosport.
- ^ «FC Bayern sign Daley Blind». FC Bayern Munich.
Вонкавыя спасылкі
рэдагаваць- Профіль на soccerway.com
- Профіль на transfermarkt.com
- Статыстыка на National Football Teams