Дзьмітры Сьвірыдзенка
Дзьмі́тры Сьвірыдзе́нка (нар. 20 жніўня 1997 году) — беларускі футбаліст, паўабаронца.
| Дзьмітры Сьвірыдзенка | ||
| Пэрсанальная інфармацыя | ||
|---|---|---|
| Нарадзіўся | 20 жніўня 1997 (27 гадоў) | |
| Пазыцыя | паўабаронца | |
| Клюбы | ||
| Гады | Клюб | Гульні (галы)¹ |
| 2015 | Гомель | 1 (0) |
| 2016—2021 | Лякаматыў Гомель | 121 (12) |
| 2022 | Лякаматыў Гомель | 7 (1) |
Кар’ера
рэдагавацьВыхаванец футбольнага клюбу «Гомель». У 2015 годзе згуляў свой першы і адзіны матч за клюб у Найвышэйшай лізе супраць берасьцейскага «Дынама», выйшаўшы на замену на 88-й хвіліне. Па заканчэньні сэзону пакінуў клюб. У 2016 годзе далучыўся да гомельскага «Гомельчыгункатранс»[1], які пазьней зьмяніў свой назоў на «Лякаматывў». Дэбютаваў у складзе каманды 16 красавіка 2016 году ў матчы супраць «Слоніму». Дэбютны гол забіў 30 красавіка 2016 году ў матчы супраць «Смалявічаў». Замацаваўся ў асноўнай камандзе клюбу ды быў адным з ключавых футбалістаў. У дэбютным сэзоне правёў за клюб 25 матчаў, у якіх вызначыўся 2 галамі. У час з 2017 па 2018 гады заставаўся адным з асноўных гульцоў дружыны. У матчы 19 верасьня 2018 году супраць «Чысьці» вызначыўся 2 забітымі галамі, запісаўшы на свой рахунак першы дубль у кар’еры. У сэзоне 2019 году страціў месца ў пачатковым складзе, у большасьці матчаў выходзячы на поле з лаўкі запасных. У 2020 годзе зноў замацаваўся ў першай адзінаццатцы. У 2021 годзе пачынаў сэзон з клюбам, аднак неўзабаве пакінуў яго ў сувязі з службай у войску.
У ліпені 2022 году, вярнуўшыся з войска, зноў далучыўся да гомельскага клюбу, склаўшы працоўную дамову да канца сэзону[2]. У сэзоне выйшаў на поле ў 7 матчах, застаючыся гульцом замены, вызначыўшыся адзіным забітым голам. У студзені 2023 году футбаліст пакінуў клуб па заканчэньні тэрміну кантракту.
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Гомель | 2015 | Найвышэйшая ліга | 1 | 0 |
| Лякаматыў Гомель | 2016 | Першая ліга | 23 | 2 |
| 2017 | Першая ліга | 22 | 1 | |
| 2018 | Першая ліга | 25 | 4 | |
Крыніцы
рэдагаваць- ^ Первая лига. Заявки команд. «Гомель» Журавля и «Днепр» Седнева: видим цель — не видим преград? (рас.) «Прессбол».
- ^ Дмитрий Свириденко снова игрок гомельского «Локо» (рас.) Football.by
Вонкавыя спасылкі
рэдагаваць- Профіль на сайце «Гомелю» (рас.)
- Статыстыка «ПБ-Инфо» (рас.)