Дарыюш Дудка
Дарыюш Дудка (па-польску: Dariusz Dudka; нарадзіўся 9 сьнежня 1983 году, Костшын-над-Одрай, Польшча) — былы польскі футбаліст, абаронца нацыянальнай зборнай Польшчы.
| Дарыюш Дудка | ||
| ||
| Пэрсанальная інфармацыя | ||
|---|---|---|
| Нарадзіўся | 9 сьнежня 1983[1] (40 гадоў) | |
| Рост | 183 см | |
| Вага | 80 кг | |
| Пазыцыя | абаронца, паўабаронца | |
| Клюбы | ||
| Гады | Клюб | Гульні (галы)¹ |
| 2000—2005 2005—2008 2008—2012 2012—2013 2013—2014 2014—2015 2015—2017 2017—2019 |
Аміка Вісла Кракаў Асэр Левантэ Бірмінггэм Сіці Вісла Кракаў Лех Лех 2 |
93 (0) 77 (5) 110 (6) 2 (0) 2 (0) 46 (0) 9 (0) 56 (10) |
| Зборныя | ||
| 2004—2012 | Польшча | 65 (2) |
Кар’ера
рэдагавацьКлюбная
рэдагавацьПачаў займацца футболам у родным горадзе. У 1999 годзе перайшоў у клюб «Аміка», дэбютаваў у Экстраклясе 15 красавіка 2000 году ў матчы супраць «Руху» (Рудзенкаў). Правёў шэсьць гадоў у клюбе й быў прададзены ў польскі клюб «Вісла» (Кракаў). У сэзоне 2007—2008 гадоў перамог у чэмпіянаце Польшчы разам зь «Віслай». 26 чэрвеня 2008 году ён быў прададзены ў францускі клюб «Асэр» за 2,225 млн фунтаў стэрлінгаў[3]. У 2012 годзе вольным агентам перашоў у склад гішпанскага клюбу «Левантэ».
Пасьля прагляду Дудка падпісаў двухмесячны кантракт з ангельскім клюбам «Бірмінггэм Сіці» 31 кастрычніка 2013 году[4]. Пасьля зьяўляеньня толькі ў 2 матчах і сканчэньня кантракту гулец зьехаў у Польшчу, дзе заключыў пагадненьні з клюбам «Вісла» (Кракаў).
Міжнародная
рэдагавацьУ зборнай Польшчы дэбютаваў 7 лістапада ў матчы супраць зборнай ЗША, які скончыўся зь лікам 1:1. Дарыюш зьяўляецца ўдзельнікам чэмпіянату сьвету 2006 году, чэмпіянату Эўропы 2008 і 2012 гадоў. Пасьля таварыскай сустрэчы супраць зборнай Украіны (0:1), разам з Артурам Боруцам і Радаславам Маеўскім быў выдвараны з зборнай за парушэньне рэжыму[5].
Дасягненьні
рэдагаваць«Аміка»:
- Уладальнік Супэркубка Польшчы: 2000
«Вісла»:
- Чэмпіён Польшчы: 2008
«Лех»:
- Уладальнік Супэркубка Польшчы: 2015, 2016
Крыніцы
рэдагаваць- ^ а б в DARIUSZ DUDKA // Argentine Soccer Database (гішп.)
- ^ а б 90minut.pl (пол.) — 2003.
- ^ Дудка переходит в Осер. football.ua
- ^ Blues bring in top Pole. Birmingham City F.C.
- ^ Трое игроков сборной Польши выдворены из команды. soccernews.ru
Вонкавыя спасылкі
рэдагаваць
Дарыюш Дудка — сховішча мультымэдыйных матэрыялаў