Даніла Нячаеў
Дані́ла Няча́еў (нарадзіўся 30 кастрычніка 1999 году) — беларускі футбаліст, абаронца жодзінскага «Тарпэда-БелАЗу».
| Даніла Нячаеў | ||
| Пэрсанальная інфармацыя | ||
|---|---|---|
| Нарадзіўся | 30 кастрычніка 1999[1] (24 гады) | |
| Рост | 187 см | |
| Вага | 79 кг[1] | |
| Пазыцыя | абаронца | |
| Клюбная інфармацыя | ||
| Клюб | Тарпэда-БелАЗ | |
| Нумар | 27 | |
| Клюбы | ||
| Гады | Клюб | Гульні (галы)¹ |
| 2018 | Дняпро Магілёў | 2 (0) |
| 2019 | Дняпро Магілёў[d] | 0 (0) |
| 2019 | → Ліда | 25 (2) |
| 2020 | Белшына | 19 (1) |
| 2021—2022 | БАТЭ | 52 (1) |
| 2023 | БАТЭ | 14 (0) |
| 2024— | Тарпэда-БелАЗ | 4 (0) |
| Зборныя | ||
| 2020 | Беларусь (да 21) | 4 (0) |
| 2021— | Беларусь | 9 (0) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера рэдагаваць
Клюбная рэдагаваць
З 2017 году, пасля выхаду магілёўскага «Дняпра» ў Найвышэйшую лігу, пачаў гуляць за дублюючы склад клюбу. У жніўні 2017 году поруч зь іншымі маладымі гульцамі склаў паўнавартасны трохгадовы кантракт з магілёўцамі[3]. У 2018 годзе пачаў прыцягвацца і да асноўнага складу. Дэбютаваў у асноўнай камандзе магілёўцаў 24 лістапада 2018 году, адгуляўшы ўсе 90 хвілінаў у матчы супраць менскага «Дынама» (0:3) на пазыцыі левага абаронцы.
У лютым 2019 году, пасьля таго як стала вядома пра аб’яднаньне «Дняпра» зь менскім «Промнем», выправіўся на прагляд у аб’яднаную каманду, але не падышоў і пазьней далучыўся да «Ліды». У сакавіку 2019 году афіцыйна быў даданы да складу аб’яднанай каманды, якая атрымала назву «Дняпро», і быў выпраўлены ў арэнду ў лідзкі клюб[4]. У складзе «Ліды» быў трывалым гульцом пачатковага складу. У лютым 2020 году пасьля прагляду падпісаў кантракт з бабруйскай «Белшынай»[5]. Пачынаў сэзон 2020 году ў дублі, аднак неўзабаве замацаваўся ў асноўнай камандзе. Гуляючы ў якасьці абаронцы, за сэзон забіў гол і аддаў 5 галявых перадачаў, што ня выратавала бабруйскі клюб ад вылету ў Першую лігу.
У студзені 2021 году перайшоў у барысаўскі БАТЭ[6], дзе замацаваўся ў стартавым складзе. У сакавіку 2023 году праз забарону Міністэрства спорту і турызму ня быў дапушчаны да чэмпіянату Беларусі і пэўны час ня браў удзел у афіцыйных матчах. У ліпені 2023 году нарэшце падпісаў новы кантракт з клюбам[7] і неўзабаве ўзяў удзел у матчах кваліфікацыі Лігі чэмпіёнаў УЭФА супраць альбанскага «Партызані». У сьнежні 2023 году пакінуў БАТЭ[8].
У студзені 2024 году афіцыйна быў дапушчаны да прафэсійнай дзейнасьці спартоўца ў Беларусі камісіяй пры Генпракуратуры[9]. У лютым 2024 году далучыўся да жодзінскага «Тарпэда-БелАЗу»[10].
Міжнародная рэдагаваць
4 верасьня 2020 году дэбютаваў у моладзевай зборнай Беларусі, адгуляўшы ўсе 90 хвілінаў у адборачным матчы чэмпіянату Эўропы супраць зборнай Нідэрляндаў (0:7). 24 сакавіка 2021 году дэбютаваў у складзе нацыянальнай зборнай Беларусі, адгуляўшы другі тайм таварыскага матчу супраць зборнай Гандураса (1:1).
Дасягненьні рэдагаваць
БАТЭ:
- Срэбны прызэр чэмпіянату Беларусі: 2021
- Бронзавы прызэр чэмпіянату Беларусі: 2022
- Уладальнік Кубка Беларусі: 2021
- Уладальнік Супэркубка Беларусі: 2022
- У сьпісе 22 найлепшых футбалістаў чэмпіянату Беларусі: 2022
Статыстыка рэдагаваць
| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Дняпро Магілёў | 2018 | Найвышэйшая ліга | 2 | 0 |
Крыніцы рэдагаваць
- ^ а б в г д https://fcbate.by/team/base/40
- ^ а б http://fcbelshina.by/komanda/osnovnoy-sostav/46744-nechaev-d-v
- ^ Шесть футболистов подписали контракты с могилевским «Днепром» (рас.)
- ^ Перешедшие в объединенную команду "Дняпро-МЧЗ" Болтрушевич и Нечаев будут отданы в аренду (рас.)
- ^ Болтрушевич и Нечаев стали игроками "Белшины" (рас.)
- ^ БАТЭ объявил о подписании контракта с Нечаевым (рас.)
- ^ Нечаев подписал контракт с БАТЭ, но в заявку на чемпионат пока не внесен (рас.)
- ^ БАТЭ объявил об уходе пятерых игроков (рас.)
- ^ Семерым "беглым" атлетам разрешили заниматься профдеятельностью в Беларуси (рас.)
- ^ Данила Нечаев подписал контракт с "Торпедо-БелАЗом" (рас.)
Вонкавыя спасылкі рэдагаваць
- Статыстыка «ПБ-Инфо» (рас.)