Гінівіл

(Перанакіравана з «Гінвіл»)

Гінівіл (? — па 1398) — дзяржаўны дзяяч Вялікага Княства Літоўскага, староста троцкі (1398).

Гінівіл
Асабістыя зьвесткі
Памёр па 1398
Дзеці Начка

Імя рэдагаваць

Асноўны артыкул: Гінівіл (імя)

Паводле менскага дасьледніка Алёхны Дайліды, які разьвівае германскую (перадусім усходнегерманскую) этымалёгію імёнаў літоўскіх князёў і баяраў, імя Гінівіл складаецца з фармантаў -гін-, які паходзіць ад гоцкага gin- 'пачатак', і -віл-, які паходзіць ад гоцкага wilja 'воля'[1][2]. Такім парадкам, імя Гінівіл азначае «пачатак волі»[3].

Варыянты імя ў гістарычных крыніцах: Gynewille, houptman czu Tracken[4], Gynewille, capitaneus in Trakken[5] (12 кастрычніка 1398 году); Кгинивилу чоловекъ Рукти (Кгинивил[6]; 1440—1492 гады)[7].

Біяграфія рэдагаваць

Зь літоўскага баярскага роду. Выступаў як сьведка ў Салінскай умове (1398 год), дзе значыцца старостам троцкім. У канцы XIV ст. на загад Вітаўта разам з Васілём Барэйкавічам ваяваў супраць Карыбута Альгердавіча.

Меў сына Начку[6].

Крыніцы рэдагаваць

  1. ^ Дайліда А. Пачаткі Вялікага княства Літоўскага: ад стварэння да Крэўскай уніі / Рэц. С. Тарасаў. — Менск, 2019. С. 17.
  2. ^ Дайліда А. Пачаткі Вялікага княства Літоўскага: ад стварэння да Крэўскай уніі / Рэц. С. Тарасаў. — Менск, 2019. С. 17.
  3. ^ Дайліда А. Пачаткі Вялікага княства Літоўскага: ад стварэння да Крэўскай уніі / Рэц. С. Тарасаў. — Менск, 2019. С. 22.
  4. ^ Die Staatsverträge des Deutschen Ordens in Preussen im 15. Jahrhundert. Bd. 1. — Marburg, 1970. S. 12.
  5. ^ Liv-, Esth- und Curländisches Urkundenbuch nebst Regesten / Hrsg. von F. G. von Bunge. Bd. 4. — Reval, 1859. S. 227.
  6. ^ а б Пятраўскас Р. Літоўская знаць у канцы XIV—XV ст.. — 2-е выд. — Смаленск, 2014. С. 237.
  7. ^ Lietuvos Metrika. Knyga 3 (1440—1498). — Vilnius, 1998. P. 48.

Літаратура рэдагаваць