Генік Лоска

Генадзь Лоска (8 студзеня 1975, Белаазёрск — 9 верасьня 2020, Белаазёрск ) — беларуска-польскі музыка, вакаліст, кампазытар і гітарыст, рок- і блюз-выканаўца.

Генік Лоска
Дата нараджэньня	8 студзеня 1975(1975-01-08)
Месца нараджэньня	Белаазёрск, Бярозаўскі раён, Берасьцейская вобласьць, БССР, СССР
Дата сьмерці	10 верасьня 2020(2020-09-10) (45 гадоў)
Месца сьмерці	Белаазёрск, Бярозаўскі раён, Берасьцейская вобласьць, Беларусь
Занятак	аўтар-кампазытар, пясьняр
Жанры	рок-музыка
Інструмэнты	гітара
Сайт	gienekloskaband.art.pl (пол.)
Генік Лоска ў Вікісховішчы

Жыцьцяпіс

Пачаў граць на гітары ў 14 год. Быў лідэрам гурту Seven B, які быў папулярны ў Гародне ў 1990-х. Ён у 1993 годзе паехаў на «Басовішча». Потым праз год зноў, пасьля чаго не вярнуўся на Беларусь, зарабляў у Польшчы, як вулічны музыка, пабудаваў сабе трохпакаёўку ва Ўроцлаве.

Стаў вядомым у Польшчы пасьля перамогі ў музычным шоў X-Factor у 2011 годзе. Пасьля гэтага пераехаў жыць у Варшаву. Выдаў тры альбомы разам з гуртом Seven B і два альбомы з гуртом Gienek Loska Band. Ягоная плыта Hazardzista (2011) атрымала званьне залатой.

У 2016 годзе з Генікам Лоскам здарыўся мікраінсульт, паралізавала частка сківіцы і язык. Ён атрымаў групу інваліднасьці і скончыў музычную кар’еру.

У сьнежні прыехаў на Беларусь да маці. 6 траўня 2018 ён зьбіраўся вяртацца ў Польшу, але 5 траўня ў яго здарыўся масіўны інсульт. Ён больш двух год знаходзіўся ў коме. З таго часу музыка быў пад апекай маці, лекараў, фізыятэрапэўтаў і масажыстаў. Выдаткі, зьвязаныя зь лячэньнем, аплачваў Польскі музычны фонд.

Асабістае жыцьцё

Ад першага шлюбу мае дачку Алесю. У Варшаве жыў разам з Агнешкай Ставіцкай.

Творчасьць

Альбомы

• 2009 — Lepiej niż wczoraj
• 2011 — Hazardzista
• 2013 — Dom

Трэкі

• 2011 — „W jedną stronę bilet”
• 2011 — „Dusza”
• 2011 — „Highwayman”

Тэлевізійныя праграмы

• 2004 — Szansa na sukces
• 2010 — Mam talent!
• 2011 — X Factor