Вялікае Язна

Возера Вялікае Язна Краіна Беларусь Плошча 1,5 км² Плошча вадазбору 14,2 км² Максымальная глыбіня 6,5 м Сярэдняя глыбіня 3,7 м Найбольшая даўжыня 3,2 км Найбольшая шырыня 1 км Даўжыня берагавой лініі 9,6 км Вышыня над узроўнем мора 120,5 м Аб’ём вады 5,5 млн. м³ Каардынаты 55°26′29.85″ пн. ш. 28°08′33.29″ у. д. Вялікае Язна на мапе Беларусі Вялікае Язна

Вялікае Язна — возера ў Беларусі, у басэйне ракі Авуты. Знаходзіцца ў Мёрскім раёне Віцебскай вобласьці, за 38 км на паўднёвы ўсход ад места Мёраў. Плошча паверхні возера 1,5 км². Даўжыня 3,2 км, найбольшая шырыня 1 км. Найбольшая глыбіня дасягае 6,5 м, сярэдняя складае 3,7 м. Аб’ём вады 5,5 млн. м³. Даўжыня берагавой лініі 9,6 км.

На паўднёва-ўсходнім беразе возера стаіць гістарычнае мястэчка Язна.

Апісаньне

Катлавіна возера лагчыннага тыпу, выцягнутая ў кірунку з поўначы на поўдзень. Схілы катлавіны разараныя, месцамі пад хмызьняком, ва ўсходняй і паўднёва-ўсходняй частках высокія і стромкія. Берагавая лінія зьвілістая. Берагі нізкія. Дно пясковае, глыбей за 3—4 мэтры глейкае. У паўднёва-заходняй частцы выспа плошчай 0,5 га.

Возера эўтрофнае. Злучаецца пратокамі з возерам Малым Язнам і ракой Авутай.

Флёра і фаўна

Падводная расьліннасьць пашыраецца да глыбіні 3 мэтры.

У возеры водзяцца лешч, шчупак, акунь, плотка.

Літаратура

• Энцыклапедыя прыроды Беларусі: у 5 т. Т. 1: Ааліты ― Гасцінец / Рэдкал.: І. П. Шамякін (галоўны рэдактар) і інш. — Мн.: БелСЭ, 1983. — 574 с.: іл.