Эляс Вэрона

	Эляс Вэрона
Поўная назва	Hellas Verona Football Club
Заснаваны	1903 і 1991
Горад	Вэрона, Італія
Стадыён	Маркантоніё Бэнтэгодзі; Умяшчальнасьць: 39 211
Прэзыдэнт	Маўрыцыё Зэцьці[d]
Галоўны трэнэр	Марка Бароні[d];
Чэмпіянат	Сэрыя А
· 2023—2024	13 месца
	Галерэя здымкаў у Вікісховішчы; hellasverona.it (італ.) (анг.)

«Эляс Вэрона» (па-італьянску: Hellas Verona) — італьянскі футбольны клюб з гораду Вэрона. Заснаваны ў 1903 годзе. Чэмпіён Італіі (1985).

Гісторыя

Матчы вэронскай дружыны супраць турынскага «Ювэнтуса» ў студзені 1958 году.

Клюб быў заснаваны студэнтамі мясцовага ліцэю. Імя «Эляда», як італьянцы прамаўляюць Эляс, для каманды абраў настаўнік грэцкай мовы. У 1911 годзе «Эляс» прыняў удзел у чэмпіянаце вобласьці. У 1919 годзе клюб зьмяніў назву на «Эляс Вэрона». У Сэрыі B чэмпіянату Італіі клюб дэбютаваў ў 1929 годзе, аб’яднаўшыся зь іншымі аматарскімі камандамі правінцыі Вэроны, як то «Бэнтэгодзі» і «Скаліджэра». Паводле вынікаў сэзону 1956—1957 гадоў каманда атрымала права на выхад у Сэрыю А, дзе пратрымалася толькі адзін год.

У 1968 годзе «Эляс Вэрона» вярнулася ў найвышэйшы дывізіён італьянскага першынства. У Сэрыю А каманда выйшла пад кіраўніцтвам даволі вядомага швэдзкага спэцыяліста Нільса Лідгальма. Сэзон 1982—1983 гадоў клюб завяршыў на рэкордным для сябе чацьвертым месцы, а ўжо праз два гады каманда адсьвяткавала перамогу ў чэмпіянаце краіны.

У 1990 годзе «Эляс Верона» пакінула элітны дывізіён. Тады ж у каманды пачаліся сур’ёзныя фінансавыя цяжкасьці, якія заміналі паказваць стабільныя вынікі. Наступныя гады клюб балянсаваў паміж Сэрыямі A, B і C1, рэгулярна распрадаючы сваіх лідэраў. Гэтак пасьля трохгадовага знаходжаньня ў Сэрыі А вэронсксі клюб страціў месца ў найвышэйшай лізе ў 2002 годзе. У гэтым сэзоне за дружыну выступалі такія таленты, як то Адрыян Муту, Маўра Камаранэзі, Альбэрта Джылярдына, Мартын Ляўрсэн, Масыма Ода і Марка Касэцьці. Тады ачоленая трэнэрам Альбэртам Малезані, дружына зрабіла добры пачатак, але умацаваць посьпех не атрымалася, і ў апошнім туры «Эляс Вэрона» страціла месца ў Сэрыі А.

Дасягненьні

Чэмпіён Італіі: 1985

Склад

Актуальны на 12 верасьня 2024 году

№	Пазыцыя	Імя	Год нараджэньня
1	Бр	Лярэнца Мантыпа	1996
3	Аб	Мартын Фрэсэ	1998
4	Аб	Флявіюс Даніліюц (ар. Салернітана)	2001
5	Аб	Давідэ Фараоні	1991
6	ПА	Рэда Бэляан	2004
7	Нап	Матыс Лямбурд	2006
8	ПА	Дарка Лазавіч (капітан)	1990
9	Нап	Амін Сар (ар. Ліён)	2001
11	Нап	Каспэр Тэнгстэт (ар. Бэнфіка)	2000
12	Аб	Домагай Брадарыч (ар. Салернітана)	1999
13	Нап	Хуан Мануэль Крус	1999
14	Нап	Дайлун Ліўрамэнту	2001
15	Аб	Ілян Аку (ар. Тэкст)	2002
16	Бр	Матыя К’еза	2000
17	ПА	Аянда Сысюба	2005
18	ПА	Абду Гаруі	1998
20	ПА	Грыгорыс Кастанас (ар. Салернітана)	1998
21	ПА	Дані Сылва	2000
22	Бр	Алесандра Бэрардзі	1991

№	Пазыцыя	Імя	Год нараджэньня
23	Аб	Джанджакама Маньяні	1995
25	ПА	Суат Сэрдар	1997
27	Аб	Павал Давідовіч	1995
29	Нап	Фарыд Аліду (ар. Айнтрахт)	2001
31	ПА	Томаш Суслаў	2002
33	ПА	Ондрэй Дуда	1994
34	Бр	Сымонэ Пэрыльлі	1995
35	Нап	Даніель Маскера	1999
38	Аб	Джэксан Чачуа	2001
42	Аб	Дыега Копаля	2003
72	Нап	Жуніёр Аджаі	2004
80	ПА	Альфаджа Сысэ	2006
82	Аб	Крыстыян Карадзі	2005
87	Аб	Даніеле Гілярдзі	2003
98	Бр	Фэдэрыка Магра	2005
99	Аб	Карльсан Нванэге	2005
—	ПА	Хасэліта	2004
—	Нап	Люка Мантычэльлі	2005